Advertisement

എറണാകുളം ലോ കോളജിലെ സംഘര്‍ഷം: എസ്എഫ്‌ഐ നേതാക്കള്‍ക്കെതിരെ വധശ്രമത്തിന് കേസ്

February 15, 2020
Google News 1 minute Read

എറണാകുളം ലോ കോളജിലെ സംഘര്‍ഷത്തില്‍ എസ്എഫ്‌ഐ നേതാക്കള്‍ക്കെതിരെ വധശ്രമത്തിന് കേസെടുത്തു. കെഎസ്‌യു പ്രവര്‍ത്തകരായ ഹാദി ഹസന്‍, ആന്റണി എന്നിവരുടെ തലയ്ക്ക് സാരമായി പരുക്കേറ്റതിനെ തുടര്‍ന്നാണ് കേസ്. സംഘര്‍ഷത്തില്‍ എസ്എഫ്‌ഐ – കെഎസ്‌യു നേതാക്കള്‍ക്കെതിരെ നാല് കേസുകള്‍ പൊലീസ് രജിസ്റ്റര്‍ ചെയ്തിട്ടുണ്ട്.

എറണാകുളം ലോ കോളജിലെ എസ്എഫ്‌ഐ – കെഎസ്‌യു സംഘര്‍ഷത്തില്‍ 12 വിദ്യാര്‍ത്ഥികള്‍ക്ക് പരുക്കേറ്റിരുന്നു. ഇതില്‍ കെഎസ്‌യു പ്രവര്‍ത്തകരായ ഹാദി ഹസന്‍, ആന്റണി എന്നിവരുടെ തലയ്ക്ക് ആഴത്തില്‍ മുറിവുണ്ട്. തങ്ങളെ മര്‍ദിച്ചത് എസ്എഫ്‌ഐ പ്രവര്‍ത്തകരാണെന്ന് ഹാദി ഹസനും, ആന്റണിയും മൊഴി നല്‍കിയതോടെയാണ് എസ്എഫ്‌ഐ നേതാക്കള്‍ക്കെതിരെ വധശ്രമത്തിന് എറണാകുളം സെന്‍ട്രല്‍ പൊലീസ് കേസെടുത്തത്.

കോളജിലെ എസ്എഫ്‌ഐയുടെ 10 നേതാക്കളാണ് കേസില്‍ പ്രതികള്‍. കൂടാതെ സംഘര്‍ഷത്തില്‍ എസ്എഫ്‌ഐ – കെഎസ്‌യു നേതാക്കള്‍ക്കെതിരെ മറ്റ് മൂന്നു കേസുകള്‍ കൂടി പൊലീസ് എടുത്തിട്ടുണ്ട്. മര്‍ദനത്തില്‍ പെണ്‍കുട്ടികള്‍ക്ക് പരുക്കേറ്റെന്ന പരാതിയിലും കേസെടുത്തു. സംഘര്‍ഷത്ത തുടര്‍ന്ന് വരുന്ന 24 വരെ കോളജിനു, ഹോസ്റ്റലിനും അവധി പ്രഖ്യാപിച്ചിരിക്കുകയാണ്.

Story Highlights: Sfi

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here