ജമ്മു കശ്മീരിൽ തടങ്കലിലാക്കിയ മുൻ മുഖ്യമന്ത്രി ഫാറൂഖ് അബ്ദുള്ളയെ മോചിപ്പിച്ചു

ജമ്മു കശ്മീരിൽ കരുതൽ തടങ്കലിലാക്കിയ മുൻ മുഖ്യമന്ത്രി ഫാറൂഖ് അബ്ദുള്ളയെ മോചിപ്പിച്ചു. ഇത് സംബന്ധിച്ച ഉത്തരവ് ജമ്മുകശ്മീർ പ്രിൻസിപ്പൽ സെക്രട്ടറി രോഹിത് കൻസാലാണ് പുറത്തു വിട്ടത്.

ജമ്മു കശ്മീരിന്റെ പ്രത്യേക പദവി റദ്ദ് ചെയ്തതിനു പിന്നാലെ ഏഴ് മാസത്തെ കരുതൽ തടങ്കലിന് ശേഷമാണ് ഫറുഖ് അബ്ദുള്ള മോചിതനാവുന്നത്. നാഷണൽ കോൺഫറസിന്റെ മുതിർന്ന നേതാവ് കൂടിയായ ഫറൂഖ് അബ്ദുള്ളയ്ക്ക് പിന്നാലെ ജമ്മു കശ്മീർ മുൻ മുഖ്യമന്ത്രിമാരായ ഒമർ അബ്ദുള്ളയും മെഹബൂബ മുഫ്തിയുമടക്കം നിരവധി നേതാക്കന്മാരാണ് അറസ്റ്റ് ചെയ്യപ്പെട്ടതും വീട്ടുതടങ്കലിലുമാക്കപ്പെട്ടതും.

എന്നാൽ, ഫറൂഖ്് അബ്ദുള്ളയ്‌ക്കൊപ്പം തടങ്കലിലാക്കപ്പെട്ട  മെഹ്ബൂബ മുഫ്തിയുടെയും, ഒമർ അബ്ദുള്ളയുടെ മോചനം എന്നുണ്ടാകുമെന്ന കാര്യത്തിൽ ഇപ്പോഴും വ്യക്തത വന്നിട്ടില്ല.

Story highlight: Former Jammu kashmir chief minister, Farooq Abdullah, has been released from detention, 

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top