കൊവിഡ് പ്രതിരോധം : കേരള പൊലീസ് അഞ്ചുലക്ഷം മാസ്‌ക്കുകള്‍ നിര്‍മിക്കും

കൊവിഡ് 19 വൈറസ് ബാധ പ്രതിരോധ പ്രവര്‍ത്തനങ്ങളുടെ ഭാഗമായി കേരള പൊലീസ് അഞ്ചുലക്ഷം മാസ്‌ക്കുകള്‍ നിര്‍മിക്കും. പൊലീസ് ഉദ്യോഗസ്ഥര്‍ക്കും പൊതുജനങ്ങള്‍ക്കും വേണ്ടിയണ് മാസ്‌ക്ക് നിര്‍മിക്കുന്നത്. അഞ്ചുലക്ഷം മാസ്‌ക്കുകള്‍ നിര്‍മിക്കാന്‍ തീരുമാനിച്ചതായി സംസ്ഥാന പോലീസ് മേധാവി ലോക്‌നാഥ് ബെഹ്‌റ അറിയിച്ചു. ഡിഐജി പി പ്രകാശിനെ പദ്ധതിയുടെ നോഡല്‍ ഓഫീസറായി നിയോഗിച്ചു.

അതേസമയം, ലോക്ക് നിയന്ത്രണങ്ങള്‍ ലംഘിച്ചു യാത്ര ചെയ്തതിന് സംസ്ഥാനത്തൊട്ടാകെ ഇന്ന് 2217 പേര്‍ക്കെതിരെ കേസെടുത്തു. 2282 പേരാണ് ഇന്ന് അറസ്റ്റിലായത്. 1617 വാഹനങ്ങളും പിടിച്ചെടുത്തു.

Story Highlights- Kerala Police will produce 5 lakh masks, covid19