കൊവിഡ്​ പരിശോധനാ ശേഷി പ്രതിദിനം ഒരു ലക്ഷമാക്കുമെന്ന് ഐസിഎംആർ

ഇന്ത്യയിലെ ആകെ കൊവിഡ്​ പരിശോധനാ ശേഷി പ്രതിദിനം ഒരു ലക്ഷം എന്ന തോതിൽ വർധിപ്പിക്കുമെന്ന്​ ഇന്ത്യൻ കൗൺസിൽ ഓഫ് ​ മെഡിക്കൽ റിസർച്ച്​ (ഐസിഎംആർ). മെയ് 31നകം നടപടി ക്രമങ്ങൾ പൂർത്തിയാക്കും. പരിശോധനയ്ക്കായി കൂടുതൽ ലാബുകളെ ഉൾപ്പെടുത്തുന്ന നടപടികൾ പുരോ​ഗമിക്കുകയാണെന്നും ഐസിഎംആർ അറിയിച്ചു

189 സർക്കാർ ലാബുകളാണ്​ നിലവിൽ കൊവിഡ്​ പരിശോധന നടത്തുന്നത്​. ഇതിൽ പതിനൊന്നെണ്ണം കേരളത്തിലാണ്​. കേരളത്തിലെ കോട്ടയം, കണ്ണൂർ, മഞ്ചേരി മെഡിക്കല്‍ കോളജുകളിലെ ലാബുകൾ കൂടി ​ആവശ്യമായ സൗകര്യങ്ങൾ ഒരുക്കി ഐസിഎംആർ അനുമതിക്കായി കാത്തിരിക്കുകയാണ്​.

‌കൊവിഡ് സാമ്പിൾ പരിശോധനയ്ക്കായി കളമശേരി മെഡിക്കൽ കോളജിൽ സജ്ജീകരിച്ച ആർടിപിസിആർ ലാബിന് ഐസിഎംആർ കഴിഞ്ഞ ദിവസം അംഗീകാരം നൽകിയിരുന്നു. ഇവിടെ സാമ്പിൾ പരിശോധന ആരംഭിക്കുകയും ചെയ്തിരുന്നു.

Story highlights-covid 19,ICMR