രണ്ട് ദിവസത്തിനിടെ പത്തോളം കൊവിഡ് കേസുകൾ; ബംഗളൂരുവിലെ മുനിസിപ്പൽ വാർഡ് സീൽ ചെയ്തു
കൊവിഡ് കേസുകളുടെ എണ്ണം വർധിക്കുന്ന സാഹചര്യത്തിൽ ബംഗളൂരുവിലെ മുനിസിപ്പൽ വാർഡ് സീൽ ചെയ്തു. ഹൊങ്കസാന്ദ്രയിലെ മുനിയിപ്പൽ വാർഡാണ് സീൽ ചെയ്തത്. രണ്ട് ദിവസത്തിനിടെ പത്തോളം പേർക്കാണ് രോഗം സ്ഥിരീകരിച്ചത്.
ആയിരത്തോളം പേരാണ് മുനിസിപ്പൽ വാർഡ് പരിധിയിൽ താമസിച്ച് വരുന്നത്. മെട്രോ റെയിൽ പ്രൊജക്ടിന്റെ ഭാഗമായി നിരവധി പേർ ഇവിടെ ചേരികളിൽ താമസിക്കുന്നുണ്ട്. പത്തോളം പേർക്ക് കൊവിഡ് സ്ഥിരീകരിച്ച സാഹചര്യത്തിൽ ആശങ്ക നിലനിൽക്കുന്നുണ്ട്. മുൻ കരുതലിന്റെ ഭാഗമായി 186 ഒാളം പേരെ ക്വീറന്റീനിലാക്കിയെന്ന് മഹാരാഷ്ട്ര മെഡിക്കൽ വിദ്യാഭ്യാസ വകുപ്പ് മന്ത്രി ഡോ. കെ സുധാകർ പറഞ്ഞു.
രാജ്യത്തിന്റെ വിവിധ ചേരികളിൽ കൊവിഡ് പടർന്നുപിടിക്കുന്നത് വലിയ പ്രതിസന്ധിയാണ് സൃഷ്ടിക്കുന്നത്. ഏഷ്യയിലെ ഏറ്റവും വലിയ ചേരിയായ ധാരാവിയിൽ മൂന്നാഴ്ചയ്ക്കിടെ 200 ൽ അധികം പേർക്കാണ് കൊവിഡ് സ്ഥിരീകരിച്ചത്. പതിമൂന്ന് പേർക്ക് ജീവൻ നഷ്ടമാകുകയും ചെയ്തു
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
