പ്രവാസികൾക്കുള്ള ധനസഹായ വിതരണം മെയ് ഒന്നു മുതൽ

പ്രവാസികൾക്കുള്ള ധനസഹായ വിതരണം മെയ് ഒന്നു മുതൽ ആരംഭിക്കും. നാല് വിഭാഗങ്ങളായി തിരിച്ചായിരിക്കും ധനസഹായം.

ജനുവരി ഒന്നിന് കേരളത്തിലെത്തുകയും വിസാ കാലാവധി കഴിയാതെ മടങ്ങിപ്പോകാൻ കഴിയാതിരുന്നവർക്ക് 5000 രൂപ വിതരണം ചെയ്യും. മാർച്ച് 23 ന് ശേഷം കേരളത്തിലുള്ള വിസാ കാലാവധി കഴിഞ്ഞവർക്ക് 5000 രൂപ നൽകും. പ്രവാസിക്ഷേമ നിധി ബോർഡിലെ അംഗങ്ങൾക്ക് 1000 രൂപ നൽകും. പ്രവാസി ക്ഷേമനിധി ബോർഡിലുള്ള കൊവിഡ് ബാധിതർക്ക് 10,000 രൂപ നൽകും.

അതേസമയം, സ്വന്തന പദ്ധതിയിൽ കൊവിഡ് ഉൾപ്പെടുത്തി 10,000 രൂപ ധനസഹായം നൽകും. രണ്ടു വർഷമെങ്കിലും വിദേശത്തു ജോലി ചെയ്തശേഷം മടങ്ങിവന്ന് 10 വർഷമായി കേരളത്തിൽ കഴിയുന്നവർക്കാണ് സ്വാന്തന പദ്ധതി.

Story highlights- Expatriate,