Advertisement

കൊവിഡ് 19; കൊല്ലത്ത് ഒൻപത് പേർ രോഗമുക്തി നേടി

May 5, 2020
Google News 1 minute Read
Covid 19 In Kollam

കൊല്ലത്ത് ഇന്നലെ ഒൻപത് പേർക്ക് രോഗം ഭേദമായതോടെ ജില്ലയിൽ ആശങ്ക ഒഴിയുന്നു. ജില്ലയിൽ ഏറ്റവും കൂടുതൽ ആശങ്ക നിലനിന്നിരുന്ന കുളത്തൂപ്പുഴ, ചാത്തന്നൂർ മേഖലകളിൽ നിന്ന് ഇപ്പോൾ ഒരു രോഗികളും ചികിത്സയിലില്ല. അതേസമയം, കൊവിഡ് ഭേദമായ കുളത്തൂപ്പുഴ സ്വദേശി ഇന്നലെ മരിച്ചു.

ഇന്നലെ 9 പേരുടെ പരിശോധനാ ഫലം നെഗറ്റീവായതോടെ കൊല്ലം ജില്ലയിലെ കൊവിഡ് ബാധിതരുടെ എണ്ണം മൂന്നായി ചുരുങ്ങി. നിസാമുദ്ദീനിൽ നിന്നും മടങ്ങിയെത്തിയ പുനലൂർ സ്വദേശികളായ രണ്ട് പേർക്കും പ്രാക്കുളം സ്വദേശിനിക്കുമാണ് ഇനി രോഗം ഭേദമാകാൻ ഉള്ളത്. പ്രാക്കുളം സ്വദേശി കഴിഞ്ഞ 30 ദിവസമായി ചികിത്സയിലാണ്. ചാത്തന്നൂർ, കുളത്തുപ്പുഴ എന്നീ മേഖലകളിൽ നിന്നുള്ള ആരും ഇപ്പോൾ രോഗബാധിതരായി ചികിത്സയിലില്ലാത്തത് ജില്ലയ്ക്ക് വലിയ ആശ്വാസമാണ് പകരുന്നത്.

ഇന്നലെ പുറത്തുവന്ന അവസാന പരിശോധനാഫലവും നെഗറ്റീവായ കുളത്തൂപ്പുഴ സ്വദേശി മരിച്ചു. 73 കാരനായ പത്മനാഭൻ ആണ് മരിച്ചത്. ഹൃദയാഘാതമാണ് മരണകാരണം. ഇന്നലെ കൊവിഡ് നെഗറ്റീവായ എല്ലാവരും വൈകുന്നേരത്തോടെ ആശുപത്രി വിട്ടെങ്കിലും മറ്റ് അസുഖങ്ങൾ ഉള്ളതിനാൽ ഇയാൾ ആശുപത്രിയിൽ തുടരുകയായിരുന്നു. രാത്രിയോടെയാണ് മരണം സംഭവിച്ചത്.

ഇന്നലെ പുതുതായി പ്രവേശിച്ച 103 പേർ ഉൾപ്പെടെ ആകെ 1,778 പേരാണ് ജില്ലയിൽ ഗൃഹനിരീക്ഷണത്തിലുള്ളത്. ആശുപത്രി നിരീക്ഷണത്തിൽ 18 പേരുണ്ട്.

Story highlight: Covid 19; In Kollam, nine people test result negative

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here