മഹാരാഷ്ട്രയില്‍ കൊവിഡ് മരണസംഖ്യയില്‍ വന്‍ വര്‍ധനവ്

മഹാരാഷ്ട്രയില്‍ കൊവിഡ് മരണസംഖ്യയില്‍ വന്‍ വര്‍ധനവ്. 139 പേരാണ് കഴിഞ്ഞ 24 മണിക്കുറിനിടെ മഹാരാഷ്ട്രയില്‍ മരിച്ചത്. സംസ്ഥാനത്ത് കൊവിഡ് ബാധിതരുടെ എണ്ണം 80,000 കടന്നു .പുതുതായി 2,436 പേര്‍ക്കാണ് രോഗം സ്ഥിരീകരിച്ചത്. മുംബൈയിലെ കൊവിഡ് കേസുകള്‍ 45,000 പിന്നിട്ടു

ഒരു ദിവസം റിപ്പോര്‍ട്ട് ചെയ്യുന്ന ഏറ്റവും ഉയര്‍ന്ന മരണസംഖ്യയാണ് സംസ്ഥാനത്ത് ഉണ്ടായത്. ഇതോടെ 2849 ആയിരിക്കുന്നു ആകെ മരണസംഖ്യ . കൊവിഡ് കേസുകള്‍ക്കാപ്പം മരണസംഖ്യ വര്‍ധിക്കുന്നതാണ് സംസ്ഥാനത്ത് ഉയര്‍ത്തുന്ന ആശങ്ക. 80,229 പേര്‍ക്ക് ഇതുവരെ സംസ്ഥാനത്ത് രോഗം സ്ഥിരീകരിച്ചു. കഴിഞ്ഞ 24 മണിക്കൂറിനിടെ മുംബൈയില്‍ 1150 പേര്‍ക്കാണ് രോഗം സ്ഥിരീകരിച്ചത്. 53 പേര്‍ മരിച്ചു. 45,854 പേരാണ് മുംബൈയിലെ ആകെ രോഗബാധിതര്‍. താനെയില്‍ 457 , പൂനെയില്‍ 226 പുതിയ കേസുകളും റിപ്പോര്‍ട്ട് ചെയ്തു. 896 കേസുകള്‍ ഉണ്ടായ ജല്‍ഗോണില്‍ മരണസംഖ്യ 109 ആണ്. ധാരാവി , ഉല്ലാസ നഗര്‍, ബദ്ലാപൂര്‍ എന്നിവിടങ്ങളില്‍ രോഗവ്യാപനം രൂക്ഷമായി തുടരുകയാണ്. അതിനിടെ മുംബൈയിലെ ആശുപത്രികളില്‍ വെന്റിലേറ്റര്‍, കിടകക്കള്‍ എന്നിവയുടെ അഭാവം കാരണം മുംബൈ നഗരസഭ ആസ്ഥാനത്ത് ബിജെപി പ്രതിഷേധിച്ചു.

Story Highlights: Increase in covid Mortality in Maharashtra