കര്ഷകര്ക്ക് കൈത്താങ്ങായി ജീവനോപാധി സഹായ പദ്ധതികള് നടപ്പിലാക്കും; മുഖ്യമന്ത്രി
കൊവിഡ് പ്രതിസന്ധിയുടെ പശ്ചാത്തലത്തില് കര്ഷകര്ക്ക് കൈത്താങ്ങായി ജീവനോപാധി സഹായ പദ്ധതികള് നടപ്പിലാക്കുമെന്ന് മുഖ്യമന്ത്രി പിണറായി വിജയന്. ഭക്ഷ്യസുഭിക്ഷാ പദ്ധതിയില് ഉള്പ്പെടുത്തി നടപ്പിലാക്കും. 77 കോടി രൂപയാണ് പദ്ധതി ചെലവ്. ആലപ്പുഴ, പത്തനംതിട്ട, ഇടുക്കി, വയനാട്, എറണാകുളം, തൃശൂര്, കോട്ടയം എന്നീ ജില്ലകളിലെ 5000 കര്ഷകര്ക്ക് രണ്ടു പശുക്കളെ വാങ്ങുന്നതിനായി 60,000 രൂപ വീതം സബ്സിഡി നല്കുമെന്നും മുഖ്യമന്ത്രി പറഞ്ഞു.
സംസ്ഥാനത്തെ 3500 കര്ഷകര്ക്ക് കിടാരി വളര്ത്തലിനായി 15000 രൂപ വീതം സബ്സിഡിയും, കാറ്റില് ഷെഡ് നിര്മാണത്തിനായി 5000 കര്ഷകര്ക്ക് 25000 രൂപ വീതം സബ്സിഡിയും വിതരണം ചെയ്യും. 6000 കര്ഷകര്ക്ക് 6650 രൂപ വീതം കാലിത്തീറ്റ സബ്സിഡിയും ആടു വളര്ത്തലിനായി 1800 പേര്ക്ക് 25000 രൂപ വീതവും സബ്സിഡി നല്കുമെന്നും മുഖ്യമന്ത്രി പറഞ്ഞു.
Story Highlights – Assistance schemes for farmers ; CM
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here