Advertisement

എറണാകുളത്ത് ഇന്ന് 70 പേര്‍ക്ക് കൊവിഡ് ; രോഗവ്യാപനമുള്ള സ്ഥലങ്ങളില്‍ കൂടുതല്‍ നിയന്ത്രണങ്ങള്‍

July 28, 2020
Google News 1 minute Read
covid19; Chellanam

എറണാകുളം ജില്ലയില്‍ ഇന്ന് 70 പേര്‍ക്ക് കൊവിഡ് സ്ഥിരീകരിച്ചു. 66 പേര്‍ക്കും സമ്പര്‍ക്കത്തിലൂടെയാണ് രോഗം ബാധിച്ചത്. ജില്ലയിലെ കൂടുതല്‍ സ്ഥലങ്ങളില്‍ കൊവിഡ് വ്യാപനം സ്ഥിരീകരിച്ച പശ്ചാത്തലത്തില്‍ കൂടുതല്‍ നിയന്ത്രണങ്ങള്‍ ഏര്‍പ്പെടുത്താന്‍ കളക്ടര്‍ എസ്. സുഹാസിന്റെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനമായി. ഫോര്‍ട്ട് കൊച്ചി, കളമശേരി, ഇടപ്പള്ളി, ചേരാനെല്ലൂര്‍ പ്രദേശങ്ങളില്‍ കൂടുതല്‍ കേസുകള്‍ റിപ്പോര്‍ട്ട് ചെയ്യുന്നുണ്ട്. ഇവിടെ നിയന്ത്രണങ്ങള്‍ കര്‍ശനമാക്കും.

ജില്ലയില്‍ ഇതുവരെ ഒരുലക്ഷത്തില്‍ അധികം പേരുടെ സാമ്പിളുകള്‍ പരിശോധിച്ചു. സര്‍ക്കാര്‍, സ്വകാര്യ ലാബുകളില്‍ ആയാണ് സാമ്പിളുകള്‍ പരിശോധിച്ചത്. ആന്റിബോഡി പരിശോധനക്ക് പുറമെയാണിത്. ഫോര്‍ട്ട് കൊച്ചി മേഖലയില്‍ വീടുകളില്‍ നിരീക്ഷണത്തില്‍ കഴിയാന്‍ സൗകര്യമില്ലാത്തവര്‍ക്കായി കൊവിഡ് കെയര്‍ സെന്ററുകള്‍ അടിയന്തരമായി ആരംഭിക്കാന്‍ കോര്‍പറേഷന്‍ അധികാരികള്‍ക്ക് നിര്‍ദേശം നല്‍കുമെന്ന് കളക്ടര്‍ പറഞ്ഞു. ജില്ലയില്‍ ഇതുവരെ എഫ്എല്‍ടിസികളില്‍ 7887 കിടക്കകള്‍ സജ്ജമാക്കിയിട്ടുണ്ട്.

ജില്ലയില്‍ ഇന്ന് 70 പേര്‍ക്ക് കൊവിഡ് സ്ഥിരീകരിച്ചു. 66 പേര്‍ക്കും സമ്പര്‍ക്കത്തിലൂടെയാണ് രോഗം ബാധിച്ചത്. 83 പേര്‍ ഇന്ന് രോഗമുക്തരായി. ഫോര്‍ട്ട് കൊച്ചി, തോപ്പുംപടി മേഖലയില്‍ കര്‍ഫ്യൂ ഏര്‍പ്പെടുത്തുമെന്ന് മന്ത്രി വി.എസ് സുനില്‍ കുമാര്‍ പറഞ്ഞു. ആലുവയില്‍ നടപ്പാക്കിയതിന് സമാനമായ നിയന്ത്രണങ്ങള്‍ ഏര്‍പ്പെടുത്തും. ഫോര്‍ട്ട് കൊച്ചി മേഖലയില്‍ രോഗ വ്യാപനം ഉയരുന്ന സാഹചര്യത്തിലാണ് നടപടിയെന്നും മന്ത്രി പറഞ്ഞു. കളമശേരിയില്‍ വ്യവസായ മേഖലയില്‍ മാത്രം ഇളവ് നല്‍കി പ്രദേശത്ത് നിയന്ത്രണങ്ങള്‍ ഏര്‍പ്പെടുത്തും. ജില്ലയില്‍ രോഗം ക്ലസ്റ്ററുകള്‍ക്ക് പുറത്തേക്ക് വ്യാപിക്കുന്ന സാഹചര്യമാണെന്നും ആലുവയില്‍ നിയന്ത്രണങ്ങള്‍ പിന്‍വലിക്കില്ലെന്നും മന്ത്രി വ്യക്തമാക്കി.

Story Highlights covid 19, coronavirus, ernakulam

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here