വാട്‌സ് ആപ്പ് അക്കൗണ്ടുകൾ ഹാക്ക് ചെയ്യപ്പെടാതിരിക്കാൻമാർഗം നിർദേശിച്ച് കേരളാ പൊലീസ്

വാട്‌സ് ആപ്പ് അക്കൗണ്ടുകൾ ഹാക്ക് ചെയ്ത് സ്വകാര്യ ചാറ്റുകൾ ചോർത്തിയെന്ന പരാതികളെ കുറിച്ച് നാം ദിനംപ്രതി കേൾക്കുന്നുണ്ട്. അതുകൊണ്ട് തന്നെ ഇക്കാലത്ത് എങ്ങനെ ഒരാലുമായി വിശ്വസിച്ച് ചാറ്റ് ചെയ്യും, ഈ ചാറ്റ് പുറത്തുവന്ന് നാളെ മറ്റൊരു രീതിയിൽ ചിത്രീകരിക്കപ്പെടുമോ എന്നെല്ലാമുള്ള ചിന്തകൾ നമ്മെ ഇടയ്‌ക്കെങ്കിലും അലട്ടാറുണ്ട്. എന്നാൽ ഈ ആശങ്കകൾക്ക് പ്രതിവിധിയുമായി വാട്‌സ് ആപ്പ് അധികൃതർ തന്നെ രംഗത്തെത്തിയിട്ടുണ്ട്.

‘ടൂ സ്റ്റെപ്പ് വേരിഫിക്കേഷനാണ്’ വാട്‌സാപ്പ് ഹാക്കിംഗ് തടയാനായി അവതരിപ്പിച്ചിരിക്കുന്നത്. വാട്‌സ് ആപ്പിന്റെ പുതിയ അപ്‌ഡേറ്റിൽ ഈ മാറ്റം ലഭ്യമാണ്. വാട്‌സ് ആപ്പ് അക്കൗണ്ടുകൾ ഹാക്ക് ചെയ്യപ്പെടാതിരിക്കാൻ ടു സ്റ്റെപ്പ് വേരിഫേക്കൻ ചെയ്യണമെന്ന് കേരളാ പൊലീസും നിർദേശിക്കുന്നു.

ടു-സ്റ്റെപ്പ് വെരിഫിക്കേഷൻ ചെയ്യേണ്ടതെങ്ങനെ ?

വാട്‌സ് ആപ്പിലെ സെറ്റിംഗ്‌സിൽ ‘അക്കൗണ്ട്’ എന്ന് ക്ലിക്ക് ചെയ്യണം.

അതിൽ ‘ടു-സ്റ്റെപ്പ് വേരിഫേക്കൻ’ ഓപ്ഷനിൽ ക്ലിക്ക് ചെയ്ത് ‘എനേബിൾ’ ബട്ടൺ അമർത്തണം.

തുടർന്ന് ആറ് അക്കമുള്ള രഹസ്യ നമ്പർ പിൻ നമ്പറായി സെറ്റ് ചെയ്യാൻ കമാൻഡ് വരും. ഇതനുസരിച്ച് നമ്പർ സെറ്റ് ചെയ്ത ശേഷം ഇ-മെയിൽ ഐഡിയും കൊടുക്കുക.

പിന്നീട് എപ്പോഴെങ്കിലും ഈ നമ്പറിൽ വാട്‌സ് ആപ്പ് ഇൻസ്റ്റോൾ ചെയ്താൽ ഈ രഹസ്യ നമ്പർ ആവശ്യപ്പെടും.

Story Highlights – whats app two step verification