23
Jun 2021
Wednesday

ബ്രസീലിൽ നിന്ന് ഇറക്കുമതി ചെയ്ത ശീതീകരിച്ച കോഴിയിറച്ചിയിൽ കൊവിഡ് സാന്നിധ്യം കണ്ടെത്തിയതായി ചൈന

ബ്രസീലിൽ നിന്ന് ഇറക്കുമതി ചെയ്ത ശീതീകരിച്ച കോഴിയിറച്ചിയിൽ കൊവിഡ് സാന്നിധ്യം കണ്ടെത്തിയതായി ചൈന. കോഴിയിറച്ചിയുടെ ഉപരിതലത്തിൽ നിന്നെടുത്ത സാമ്പിളിലാണ് വൈറസ് സാന്നിധ്യം വൈറസ് സ്ഥിരീകരിച്ചതിന്റെ പശ്ചാത്തലത്തിൽ ഇറക്കുമതി ചെയ്ത ഭക്ഷണ പദാർഥങ്ങൾ വാങ്ങുമ്പോൾ മുൻകരുതൽ സ്വീകരിക്കണമെന്ന് ഷെൻസെഹ്നിലെ ജനങ്ങൾക്ക് അധികൃതർ നിർദേശം നൽകി.

ഇറക്കുമതി ചെയ്ത കോഴിയിറച്ചിയിൽ വൈറസ് സാന്നിധ്യം കണ്ടെത്തിയതിന്റെ അടിസ്ഥാനത്തിൽ ഉല്പന്നവുമായി സമ്പർക്കമുണ്ടായിട്ടുളളവരെയെല്ലാം പരിശോധനയ്ക്ക് വിധേയമാക്കി. പരിശോധനയിൽ എല്ലാവരുടെയും ഫലം നെഗറ്റീവാണെന്ന് തെളിഞ്ഞു. രജിസ്ട്രേഷൻ നമ്പർ പ്രകാരം സാന്റ കാതറിനയിലുളള ഒറോറ അലിമെന്റോസ് പ്ലാന്റിൽ നിന്നാണ് കോഴിയിറച്ചി എത്തിയിരിക്കുന്നത്.

മുൻപ് ചൈന, ഷാൻടോങ് പ്രവിശ്യയിലുളള ഇറക്കുമതി ചെയ്ത ശീതീകരിച്ച സീ ഫുഡ് ഉൽപന്നങ്ങളിൽ മൂന്നു പാക്കേജിൽ നിന്നെടുത്ത സാമ്പിൾ പരിശോധനയിൽ കൊവിഡ് പോസിറ്റീവായി സ്ഥിരീകരിച്ചിരുന്നു.

Story Highlights China has found the presence of covid in frozen chicken imported from Brazil

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top