ഉത്തർപ്രദേശിൽ സർക്കാർ അഭയകേന്ദ്രത്തിലെ 90 പെൺകുട്ടികൾക്ക് കൊവിഡ്

ഉത്തർപ്രദേശിൽ പെൺകുട്ടികൾക്കായുള്ള സർക്കാർ അഭയ കേന്ദ്രത്തിലെ 90 പേർക്ക് കൊവിഡ് സ്ഥിരീകരിച്ചു. രണ്ട് ദിവസത്തിനിടെയാണ് 90 അന്തേവാസികൾക്ക് കൊവിഡ് കണ്ടെത്തിയത്. വനിതാ ക്ഷേമ വകുപ്പ് ഡെപ്യൂട്ടി ഡയറക്ടറാണ് ഇക്കാര്യം അറിയിച്ചത്.

കൊവിഡ് സ്ഥിരീകരിച്ചതിന് പിന്നാലെ എല്ലാവരേയും മാറ്റിപ്പാർപ്പിച്ചു. അന്തേവാസികൾക്ക് എങ്ങിനെയാണ് രോഗം ബാധിച്ചതെന്ന കാര്യം വ്യക്തമായിട്ടില്ല.

Read Also :അമ്മ മരിച്ചത് കൊവിഡ് ബാധയെ തുടർന്നെന്ന് മറച്ചുവച്ചു; പ്രോട്ടോക്കോൾ ലംഘിച്ച് സംസ്‌കാരം; അൽഫോൺസ് കണ്ണന്താനം വിവാദത്തിൽ

ഉത്തർ പ്രദേശിൽ കഴിഞ്ഞ 24 മണിക്കൂറിനിടെ 4,454 പേർക്കാണ് കൊവിഡ് ബാധിച്ചത്. 58 പേർ മരിക്കുകയും ചെയ്തു. ഇതോടെ സംസ്ഥാനത്ത് കൊവിഡ് ബാധിച്ചവരുടെ എണ്ണം 1,54,418 ആയി.

Story Highlights – Coronavirus, Uttar pradesh