സ്രവം ശേഖരിക്കാൻ വായിൽ വെള്ളം നിറച്ച് പരിശോധന; പുതിയ രീതിയുമായി ഐസിഎംആർ

കൊവിഡ് പരിശോധനയ്ക്ക് സാമ്പിളെടുക്കാൻ പുതിയ രീതിയുമായി ഐസിഎംആർ. വായിൽ വെള്ളം നിറച്ച് അത് പരിശോധിച്ചാൽ മതിയെന്നാണ് ഐസിഎംആറിന്റെ കണ്ടെത്തൽ.

ഇങ്ങനെ സ്രവം ശേഖരിക്കുന്നതിലൂടെ രോഗവ്യാപന സാധ്യത കുറയുമെന്നാണ് ഐസിഎംആർ പറയുന്നത്.
ഗുരുതരമല്ലാത്ത രോഗികൾക്ക് ഈ പരിശോധന നടത്തിയാൽ മതിയാകും. ഡൽഹി എയിംസിൽ നടത്തിയ പരീക്ഷണം വിജയമാണെന്നും ഐസിഎംആർ പറയുന്നു.

കൊവിഡ് വാക്സിൻ സജ്ജമായാൽ ഉടൻ ഇന്ത്യയിൽ എത്തിക്കുമെന്നും ഐസിഎംആർ അറിയിച്ചു. പ്രതിരോധ പ്രവർത്തകർക്കും സൈനികർക്കും മുൻഗണന നൽകുമെന്നും ഐസിഎംആർ വൃത്തങ്ങൾ വ്യക്തമാക്കി.

Story Highlights – Coronavirus, ICMR