റിസർവ് ബാങ്ക് ഗവർണർക്ക് കൊവിഡ് സ്ഥിരീകരിച്ചു

റിസർവ് ബാങ്ക് ഗവർണർ ശക്തികാന്ത ദാസിന് കൊവിഡ് സ്ഥിരീകരിച്ചു. അദ്ദേഹം തന്നെയാണ് ഇക്കാര്യം ട്വിറ്ററിലൂടെ അറിയിച്ചത്.

എന്നാൽ, തനിക്ക് കൊവിഡ് ലക്ഷണങ്ങൾ ഒന്നും ഇല്ലെന്നും നിലവിൽ ആരോഗ്യനില തൃപ്തികരമാണെന്നും അദ്ദേഹം അറിയിച്ചു. നിരീക്ഷണത്തിലിരുന്നുകൊണ്ട് തന്നെ ജോലികൾ ചെയ്യും. ഡെപ്യൂട്ടി ഗവർണർമാരുമായും മറ്റ് ഉദ്യോഗസ്ഥരുമായും നിരന്തരം ആശയവിനിമയം നടത്തുന്നുണ്ട്.
മാത്രമല്ല. താനുമായി കഴിഞ്ഞ ദിവസങ്ങളിൽ അടുത്ത് ഇടപഴകിയവരെ വിവരം അറിയിച്ചിട്ടുണ്ടെന്നും അദ്ദേഹം വ്യക്തമാക്കി.

Story Highlights – covid confirmed reserve bank governor