23
Jun 2021
Wednesday

ഹൈദരാബാദിന് പുതിയ പേര് നിർദേശിച്ച് യോ​ഗി ആദിത്യനാഥ്; ചുട്ട മറുപടിയുമായി ഒവൈസി

owaisi yogi war over hyderabad name

ഹൈദരാബാദിന് പുതിയ പേര് നിർദേശിച്ച ഉത്തർ പ്രദേശ് മുഖ്യമന്ത്രി യോ​ഗി ആദിത്യനാഥിന് ചുട്ട മറുപടിയുമായി എഐഎംഐഎം നേതാവ് അസദുദ്ദീൻ ഒവൈസി. പേര് മാറ്റാൻ ഉദ്ദേശിക്കുന്നവരുടെ പരമ്പര തന്നെ അവസാനിച്ചാലും ഹൈദരാബാദിന്റെ പേര് നിലനിൽക്കുമെന്ന് ഒവൈസി തിരിച്ചടിച്ചു.

കഴിഞ്ഞ ദിവസമാണ് ഹൈദരാബാദിലെ തെരഞ്ഞെടുപ്പ് റാലിയെ അഭിസംബോധന ചെയ്ത് സംസാരിക്കുന്നതിനിടെ യോ​ഗി ആദിത്യനാഥ് ന​ഗരത്തിന് പുതിയ പേര് നിർദേശിച്ചത്. തദ്ദേശ തെരഞ്ഞെടുപ്പിൽ‍ ഹൈദരാബാദിൽ ബിജെപി വിജയിച്ചാൽ ന​ഗരത്തിന്റെ പേര് ഭാ​ഗ്യന​ഗർ എന്നാക്കി മാറ്റും എന്നായിരുന്നു പ്രസ്താവന.

മുൻപ് ഫൈസാബാദിനെ അയോധ്യയെന്നാക്കി നാമകരണം ചെയ്തുവെന്നും അലഹാബാദിനെ പ്രയാ​​ഗ് രാജ് എന്നാക്കി പേര് മാറ്റിയെന്നും സമാന രീതിയിൽ ഹൈദരാബാദിനെ ഭാ​ഗ്യന​ഗർ എന്നാക്കാമെന്നുമാണ് യോ​ഗി പറഞ്ഞത്.

അതേസമയം, ഹൈദരാബാദിന്റെ പേര് മാറ്റാൻ ഉദ്ദേശിക്കുന്നവർക്ക് വോട്ടിന്റെ രൂപത്തിൽ മറുപടി നൽകണമെന്ന് ഒവൈസി പൊതുജനത്തോട് അഭ്യർത്ഥിച്ചു.

Story Highlights owaisi yogi war over Hyderabad name

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top