‘നെറ്റ് ബൗളറിൽ നിന്ന് ഇന്ത്യൻ ടീമിലേക്ക്’; നടരാജനെ അഭിനന്ദിച്ച് ഡേവിഡ് വാർണർ

ഓസീസിനെതിരായ ടി-20 പരമ്പരയിൽ മികച്ച പ്രകടനം നടത്തിയ ഇന്ത്യൻ പേസർ തങ്കരസു നടരാജനെ അഭിനന്ദിച്ച് ഓസീസ് ഓപ്പണർ ഡേവിഡ് വാർണർ. ഐപിഎലിൽ നടരാജൻ കളിക്കുന്ന സൺറൈസേഴ്സ് ഹൈദരാബാദിൻ്റെ ക്യാപ്റ്റനായ വാർണർ തൻ്റെ ഇൻസ്റ്റഗ്രാം അക്കൗണ്ടിലൂടെയാണ് അഭിനന്ദനവുമായി രംഗത്തെത്തിയത്.

Read Also : രണ്ട് മത്സരങ്ങളിൽ നിന്ന് 5 വിക്കറ്റ്; ടി-20 ലോകകപ്പിലേക്ക് നീട്ടിയെറിഞ്ഞ് നടരാജൻ

“പരമ്പര നഷ്ടമായെങ്കിലും നടരാജനെയോർത്ത് സന്തോഷിക്കുന്നു. നല്ല ഒരു മനുഷ്യനാണ്. ക്രിക്കറ്റ് എന്ന ഗെയിമിനെ ഒരുപാട് സ്നേഹിക്കുന്നുണ്ട്. നെറ്റ് ബൗളറിൽ നിന്ന് ഏകദിന, ടി-20 മത്സരങ്ങൾ അരങ്ങേറി. എന്തൊരു നേട്ടമാണത്. നന്നായി കളിച്ചു കൂട്ടുകാരാ”- വാർണർ ഇൻസ്റ്റഗ്രാമിൽ കുറിച്ചു.

View this post on Instagram

A post shared by David Warner (@davidwarner31)

ഇന്ത്യക്കായി ടി-20 പരമ്പരയിൽ ഗംഭീര പ്രകടനമാണ് നടരാജൻ നടത്തിയത്. 3 മത്സരങ്ങളിലുമായി 12 ഓവറുകൾ എറിഞ്ഞ നടരാജൻ 6 വിക്കറ്റ് സ്വന്തമാക്കി വിക്കറ്റ് വേട്ടയിൽ പരമ്പരയിലെ തന്നെ മികച്ച താരമായി മാറിയിരുന്നു. 6.92 എന്ന മികച്ച എക്കോണമിയിലാണ് താരം ടി-20 പരമ്പരയിൽ പന്തെറിഞ്ഞത്. മികച്ച പ്രകടനത്തിൻ്റെ ബലത്തിൽ ടി-20 ലോകകപ്പ് ടീമിലേക്കുള്ള മത്സരം നടരാജൻ ശക്തമാക്കി.

Story Highlights – David Warner Hails T Natarajan’s Achievement