പോസ്റ്റൽ ബാലറ്റ് : നാലിടത്ത് എൽഡിഎഫ്; രണ്ടിടത്ത് യുഡിഎഫ്; ഒരിടത്ത് ബിജെപി; ലീഡ് നില ഇങ്ങനെ

പോസ്റ്റൽ ബാലറ്റ് എണ്ണുമ്പോൾ ആദ്യമായി യുഡിഎഫ് ലീഡ് ചെയ്യുന്ന പ്രദേശമായി കട്ടപ്പന. പരവൂരിലും യുഡിഎഫ് തന്നെയാണ് മുന്നിൽ. പാലാ, കൊല്ലം, വർക്കല എൽഡിഎഫ് ലീഡ് ചെയ്യുമ്പോൾ കട്ടപ്പനയിൽ യുഡിഎഫ് ലീഡ് ചെയ്യുന്നു. എൻഡിഎ ചങ്ങനാശേരി പെരുന്നയിലും ലീഡ് ചെയ്യുന്നുണ്ട്. തിരുവനന്തപുരം കോർപറേഷനിലും എൽഡിഎഫ് ആണ് ലീഡ് ചെയ്യുന്നത്.

244 വോട്ടെണ്ണൽ കേന്ദ്രങ്ങളാണുള്ളത്. ആദ്യം എണ്ണുക തപാൽ വോട്ടുകളാണ് . സർവീസ് വോട്ടുകൾക്കു പുറമേ കൊവിഡ് ബാധിതരും നിരീക്ഷണത്തിൽ കഴിയുന്നവരും ചെയ്ത സ്‌പെഷ്യൽ തപാൽ വോട്ടുകളും ഒരുമിച്ചാകും എണ്ണുക. രണ്ടരലക്ഷത്തിലേറെയാണ് തപാൽ വോട്ടുകൾ.

ഗ്രാമപഞ്ചായത്തുകളിലേയും നഗരസഭകളിലേക്കും ഫലം ആദ്യമറിയാം. ഉച്ചയോടെ ഫലപ്രഖ്യാപനം പൂർത്തിയാക്കാനാണ് ശ്രമം. ത്രിതല പഞ്ചായത്തുകളിൽ ബ്ലോക്ക് തലത്തിലാണ് വോട്ടെണ്ണൽ. മുനിസിപ്പാലിറ്റികളിലും കോർപ്പറേഷനുകളിലും പോളിംഗ് സാമഗ്രികളുടെ വിതരണം നടന്ന കേന്ദ്രങ്ങളിലാണ് വോട്ടെണ്ണൽ. ഗ്രാമ- ബ്ലോക്ക്-ജില്ലാ പഞ്ചായത്തുകളിലെ പോസ്റ്റൽ വോട്ടുകൾ വരണാധികാരികളുടെ ചുമതലയിൽ എണ്ണും . മുനിസിപ്പാലിറ്റികളിലും കോർപ്പറേഷനുകളിലും ഓരോ വരണാധികാരിക്കും പ്രത്യേകം കൗണ്ടിംഗ് ഹാൾ ഉണ്ടാകും.
എട്ട് ബൂത്തുകൾക്ക് ഒരു ടേബിൾ എന്ന രീതിയിലാണ് ക്രമീകരണം. ഒരു വാർഡിലെ എല്ലാ ബൂത്തുകളിലേയും വോട്ടുകൾ ഒരു ടേബിളിൽ എണ്ണും. ഈ മാസം 2ക ന് വിജയികളുടെ സത്യപ്രതിജ്ഞ നടക്കും. തദ്ദേശ സ്ഥാപനങ്ങളുടെ അധ്യക്ഷന്മാരേയും ഉപാധ്യക്ഷന്മാരേയും ഈ മാസം തന്നെ തെരഞ്ഞെടുക്കും.