സിഎജി റിപ്പോര്‍ട്ട് ചോര്‍ത്തിയെന്ന പരാതി; തോമസ് ഐസക്ക് നാളെ നിയമസഭാ എത്തിക്‌സ് കമ്മിറ്റിക്കു മുന്‍പാകെ ഹാജരാകും

സിഎജി റിപ്പോര്‍ട്ട് ചോര്‍ത്തിയെന്ന പരാതിയില്‍ ധനമന്ത്രി തോമസ് ഐസക്ക് നാളെ നിയമസഭാ എത്തിക്‌സ് കമ്മിറ്റിക്കു മുന്‍പാകെ ഹാജരാകും. സഭയില്‍ വയ്ക്കും മുന്‍പ് റിപ്പോര്‍ട്ട് പരസ്യപ്പെടുത്തിയ മന്ത്രിയുടെ നടപടി സഭാ അംഗങ്ങളുടെ അവകാശങ്ങളുടെ ലംഘനമാണെന്നായിരുന്നു വി.ഡി.സതീശന്റെ പരാതി.

കഴിഞ്ഞയാഴ്ച സതീശന്‍ എത്തിക്‌സ് കമ്മറ്റിക്ക് ഐസക്കിനെതിരേ തെളിവ് നല്‍കിയിരുന്നു. സിഎജി റിപ്പോര്‍ട്ട് ചോര്‍ത്തിയെന്ന പരാതി അവകാശലംഘനത്തിന്റെ പരിധിയില്‍ വരുന്നതിനാലാണ് പ്രിവിലേജസ് ആന്‍ഡ് എത്തിക്സ് കമ്മിറ്റിയുടെ പരിഗണനയ്ക്ക് വിട്ടത്.