ജ്വല്ലറി നിക്ഷേപ തട്ടിപ്പ് കേസ്; എം.സി കമറുദ്ദീൻ എംഎൽഎയുടെ ജാമ്യാപേക്ഷയിൽ വാദം പൂർത്തിയായി

ജ്വല്ലറി നിക്ഷേപ തട്ടിപ്പ് കേസിൽ റിമാന്റിൽ കഴിയുന്ന എം.സി കമറുദ്ദീൻ എംഎൽഎയുടെ ജാമ്യാപേക്ഷയിൽ വാദം പൂർത്തിയായി. കാസർഗോഡ് ടൗൺ പൊലീസ് രജിസ്റ്റർ ചെയ്ത 11 കേസുകളിലെ ഹർജിയാണ് കാസർഗോഡ് സിജെഎം കോടതി പരിഗണിച്ചത്. ജാമ്യാപേക്ഷയിൽ കോടതി നാളെ വിധി പറയും.

അതേസമയം, പുതിയതായി 16 കേസുകളിൽകൂടി കമറുദ്ദീൻ ജാമ്യാപേക്ഷ സമർപ്പിച്ചു. ഇവയിൽ മറ്റന്നാൾ വാദം കേൾക്കും
കഴിഞ്ഞ ദിവസം 24 കേസുകളിൽ ഹൊസ്ദുർഗ് കോടതി ജാമ്യം അനുവദിച്ചതോടെയാണ് കൂടുതൽ ഹർജികളുമായി എംഎൽഎ കോടതി സമീപിച്ചത്.