കുതിരാന്‍ തുരങ്കപാത തുറക്കണമെന്നാവശ്യപ്പെട്ടുള്ള ചീഫ് വിപ്പിന്റെ ഹര്‍ജി ഇന്ന് പരിഗണിക്കും

കുതിരാന്‍ തുരങ്കപാത അടിയന്തരമായി തുറക്കണമെന്നാവശ്യപ്പെട്ടുള്ള ചീഫ് വിപ്പ് കെ.രാജന്റെ ഹര്‍ജി ഹൈക്കോടതി ഇന്ന് പരിഗണിക്കും. നിരന്തരമുണ്ടാകുന്ന അപകടങ്ങള്‍ കണക്കിലെടുത്ത് അടിയന്തര നടപടി കൈക്കൊള്ളാനാവശ്യപ്പെട്ടായിരുന്നു ഹര്‍ജി.

തുരങ്ക നിര്‍മാണത്തിലെ നിലവിലെ സ്ഥിതിഗതികള്‍ സംബന്ധിച്ച് വിദഗ്ധ സമിതി ഇന്ന് റിപ്പോര്‍ട്ട് സമര്‍പ്പിച്ചേക്കും. അതേസമയം, തുരങ്ക പാതകളിലൊരെണ്ണം മാര്‍ച്ച് അവസാനം തുറക്കുമെന്ന് ദേശീയ പാതാ അതോറിറ്റി കോടതിയെ അറിയിച്ചിട്ടുണ്ട്.