ആറന്മുള സീറ്റിനെച്ചൊല്ലി കോണ്‍ഗ്രസില്‍ ഗ്രൂപ്പ് തര്‍ക്കം

പത്തനംതിട്ടയില്‍ ആറന്മുളയെച്ചൊല്ലി കോണ്‍ഗ്രസില്‍ ഗ്രൂപ്പ് തര്‍ക്കം. എ ഗ്രൂപ്പ് സ്ഥിരമായി മത്സരിക്കാറുള്ള മണ്ഡലം ഐ ഗ്രൂപ്പിന് വിട്ടുകൊടുക്കരുതെന്നാവശ്യപ്പെട്ട് എ ഗ്രൂപ്പ് നേതാക്കള്‍ ഉമ്മന്‍ ചാണ്ടിയെ കാണാന്‍ തീരുമാനിച്ചു. പത്തനംതിട്ട ഡിസിസി ഓഫീസില്‍ ഇന്ന് ചേര്‍ന്ന രഹസ്യ യോഗത്തിലാണ് തീരുമാനമായത്.

സ്ഥാനാര്‍ത്ഥിയെ ഔദ്യോഗികമായി പ്രഖ്യാപിച്ചിട്ടില്ലെങ്കിലും ഐ ഗ്രൂപ്പ് നേതാവായ പഴകുളം മധുവിനെ സ്ഥാനാര്‍ത്ഥിയായി പരിഗണിച്ചേക്കും എന്ന സൂചനയെത്തുടര്‍ന്നാണ് തീരുമാനം.