മരുന്ന് നൽകി സിംഹക്കുട്ടിയെ മയക്കികിടത്തി വിവാഹ ഫോട്ടോഷൂട്ട് , സംഭവം വിവാദത്തിൽ

പാകിസ്ഥാനിലെ ലാഹോർ സ്വദേശികളായ ദമ്പതികളുടെ വിവാഹ ഫോട്ടോഷൂട്ടിനായി സിംഹക്കുട്ടിയെ ഉപയോഗിച്ച സംഭവം വിവാദത്തിൽ. മരുന്ന് നൽകി സിംഹക്കുട്ടിയെ മയക്കികിടത്തിയാണ് ഫോട്ടോഷൂട്ടിനു ഉപയോഗിച്ചത്. എന്നാൽ ഈ പ്രവർത്തിക്കെതിരെ സാമൂഹ്യ പ്രവർത്തകരും മൃഗസംരക്ഷണ വകുപ്പും രംഗത്തെത്തി.

മയക്കികിടത്തിയ സിംഹകുട്ടിയുടെ മുകളിലായി വധുവും വരനും കൈകൾ കോർത്തുപിടിച്ച് ഇരിക്കുന്നതും ഫോട്ടോഗ്രാഫറുടെ നിർദ്ദേശങ്ങൾ അനുസരിക്കുന്നതുമാണ് വീഡിയോയിലുള്ളത്. ഈ ദൃശ്യങ്ങൾ വൈറലായതോടെയാണ് വിമർശനം ഉയർന്നത്. ഫോട്ടോഷൂട്ട് വ്യത്യസ്തവും വൈറലും ആകാൻ എന്തും ചെയ്യാമെന്ന അവസ്ഥയിലേക്ക് കാര്യങ്ങൾ മാറിയെന്നായിരുന്നു സോഷ്യൽ മീഡിയയിൽ ഉയർന്ന വിമർശനം. ഇതിനു പിന്നാലെയാണ് മൃഗസംരക്ഷണ വകുപ്പും രംഗത്തെത്തിയത്.

https://twitter.com/wildpakistan/status/1368662296663363588?ref_src=twsrc%5Etfw%7Ctwcamp%5Etweetembed%7Ctwterm%5E1368662296663363588%7Ctwgr%5E%7Ctwcon%5Es1_c10&ref_url=https%3A%2F%2Fwww.india.com%2Fviral%2Fwatch-viral-video-couple-sherdi-rani-sedated-lion-cub-as-prop-for-wedding-photoshoot-faces-backlash-4488563%2F

ഇത്രയും ചെറിയ സിംഹക്കുട്ടിയെ മരുന്ന് നൽകി മയക്കുകയും വെറുമൊരു കളിപ്പാട്ടം പോലെ ഷൂട്ടിന് ഉപയോഗിക്കുകയും ചെയ്തത് അതിക്രൂരമായ പ്രവർത്തിയാണെന്നും ഇതിനെതിരെ ശക്തമായി നടപടി വേണമെന്നും മൃഗ സംരക്ഷണ സഘടനകൾ ആവശ്യപ്പെട്ടു.

Story Highlights – Sedated Little Lion cub For Wedding Shoot