Advertisement

കൊവിഡ്: നടൻ രൺധീർ കപൂറിനെ ഐസിയുവിലേക്ക് മാറ്റി

April 30, 2021
Google News 1 minute Read
Covid Randhir Kapoor ICU

കൊവിഡ് ബാധിച്ച ബോളിവുഡ് നടനും സംവിധായകനും നിർമാതാവുമായ രൺധീർ കപൂറിനെ ഐസിയുവിലേക്ക് മാറ്റി. മുംബൈയിലെ കോകിലാബെൻ അംബാനി ആശുപത്രിയിലാണ് അദ്ദേഹം ഉള്ളത്. ഏതാനും ദിവസങ്ങൾക്കു മുൻപാണ് രൺധീർ കപൂറിന് കൊവിഡ് പോസിറ്റീവായത്. നടിമാരായ കരീന കപൂർ, കരിഷ്മ കപൂർ എന്നിവരുടെ പിതാവാണ് രൺധീർ.

താൻ ആരോഗ്യവാനാണെന്നും തനിക്ക് മികച്ച ചികിത്സ ലഭിക്കുന്നുണ്ടെന്നും അദ്ദേഹം പറഞ്ഞു. അദ്ദേഹത്തിൻ്റെ അഞ്ച് സ്റ്റാഫ് അംഗങ്ങൾക്കും കൊവിഡ് പോസിറ്റീവായിട്ടുണ്ട്. ഭാര്യ ബബിതയും മക്കളും കൊവിഡ് നെഗറ്റീവാണ്. രൺധീറിൻ്റെ സഹോദരങ്ങളായ രാജീവ് കപൂറും ഋഷി കപൂറും അടുത്തിടെയാണ് മരണപ്പെട്ടത്.

രാജ്യത്ത് 24 മണിക്കൂറിനിടെ റിപ്പോർട്ട് ചെയ്തത് 3,86,452 പുതിയ കൊവിഡ് കേസുകളാണ്. പതിനായിരം കേസുകളുടെ വർധനയാണുണ്ടായിരിക്കുന്നത്.

3498 പേർ ഈ സമയത്തിനുള്ളിൽ മരണപ്പെട്ടു. രോഗമുക്തി നിരക്ക് 82.10 ശതമാനമായി കുറഞ്ഞു. മഹാരാഷ്ട്രയിലും ഡൽഹിയിലും മരണനിരക്ക് വർധിക്കുന്നുണ്ട്. ബംഗളൂരു നഗരത്തിൽ കൊവിഡ് വ്യാപന തോത് കൂടുന്നു. 20,000ത്തിൽ അധികം കേസുകളാണ് റിപ്പോർട്ട് ചെയ്തത്.

Story highlights: Covid positive Randhir Kapoor moved to ICU

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here