24
Jun 2021
Thursday

പരാജയത്തിന് പ്രധാന ഉത്തരവാദി; കെ സി വേണുഗോപാലിന് എതിരെ എ,ഐ ഗ്രൂപ്പുകള്‍

congress candidate list tomorrow says kc venugopal

എഐസിസി ജനറല്‍ സെക്രട്ടറി കെ സി വേണുഗോപാലിന് എതിരെ കോണ്‍ഗ്രസില്‍ പടയൊരുക്കം. കെ സി വേണുഗോപാലിന് എതിരെ എ ഐ ഗ്രൂപ്പുകള്‍ രംഗത്തെത്തി. നിയമസഭാ തെരഞ്ഞെടുപ്പ് പരാജയത്തിന് പ്രധാന ഉത്തരവാദി കെ സി വേണുഗോപാലാണ് എന്നും ആരോപണം. കെ സി വേണുഗോപാലിനെ നിയന്ത്രിക്കാന്‍ ഹൈക്കമാന്‍ഡിനോട് നേതാക്കള്‍ ആവശ്യപ്പെട്ടു. എഐസിസി ചുമതല ഉപയോഗിച്ച് കേരളത്തില്‍ വിഭാഗീയത ഉണ്ടാക്കുന്നുവെന്നുവെന്നും ഗുരുതര ആരോപണം.

സ്ഥാനാര്‍ത്ഥി നിര്‍ണയം അട്ടിമറിക്കാനും സ്വന്തം പേരില്‍ ഗ്രൂപ്പുണ്ടാക്കാനും കെ സി വേണുഗോപാലിന് വ്യക്തിപരമായ താത്പര്യമുണ്ടായിരുന്നു. കണ്ണൂരിലെ ഇരിക്കൂറില്‍ അടക്കം പല ജില്ലകളിലും വലിയ പ്രശ്‌നങ്ങള്‍ ഉണ്ടായി. തിരുവനന്തപുരം നേമത്ത് പ്രിയങ്ക ഗാന്ധി പ്രചാരണം നടത്താതെ പോയതിലുള്ള ഉത്തരവാദിത്തം കെ സി വേണുഗോപാലിനാണ്.

ഗ്രൂപ്പുകളെ അവഗണിച്ച് കേരളത്തില്‍ പുതിയ നേതൃത്വവും പ്രതിപക്ഷ നേതാവിനെയും സൃഷ്ടിക്കാനായിരുന്നു ഹൈക്കമാന്‍ഡ് തീരുമാനം. അതിനിടയിലാണ് ഗ്രൂപ്പുകള്‍ നിലപാട് അറിയിച്ചിരിക്കുന്നത്. മാധ്യമങ്ങളുടെ മുന്നില്‍ മുതിര്‍ന്ന നേതാക്കളെ അപമാനിക്കുന്നതും ഘടകകക്ഷികളെ അതൃപ്താക്കുന്നതുമായ സൂചനകള്‍ കെ സി വേണുഗോപാലിനോട് അനുഭാവമുള്ള ആളുകള്‍ പറഞ്ഞുവെന്നും ആരോപണം.

Read Also : നേമത്തോ വട്ടിയൂര്‍ക്കാവിലോ മത്സരിക്കാന്‍ തയാറെന്ന് കെ സി വേണുഗോപാല്‍

കെപിസിസി അധ്യക്ഷന്‍ കൃത്യമായി നിലപാട് എടുത്തിരുന്നില്ലെങ്കില്‍ പ്രശ്‌നങ്ങളുണ്ടാവുമായിരുന്നില്ലെന്നും ഗ്രൂപ്പുകള്‍ പറയുന്നു. ഉചിതമായ കാര്യങ്ങള്‍ക്ക് പോലും അര്‍ഹമായ പരിഗണന നല്‍കാതെ സംഘടന പ്രവര്‍ത്തനത്തില്‍ തന്റെ അഭിപ്രായം സംരക്ഷിച്ചു. താന്‍ പറയുന്നിടത്ത് പാര്‍ട്ടി നില്‍ക്കണം അധ്യക്ഷന്റെ നിലപാട് തിരിച്ചടിയായെന്നും ഗ്രൂപ്പുകള്‍.

ഏകപക്ഷീയമായി തീരുമാനങ്ങള്‍ ഉണ്ടാകരുതെന്നും തെരക്കിട്ട നടപടികള്‍ സാഹചര്യം രൂക്ഷമാക്കുമെന്നും ഗ്രൂപ്പുകള്‍ ഹൈക്കമാന്‍ഡിനോട് പറഞ്ഞു. എന്നാല്‍ ഗ്രൂപ്പുകളാണ് വീഴ്ചയ്ക്ക് കാരണമെന്നാണ് ഹൈക്കമാന്‍ഡിന്റെ ഇപ്പോഴത്തെ നിഗമനം.

Story Highlights: k c venugopal, assembly election 2021, congress

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top