20
Jun 2021
Sunday

കൊവിഡ് മരുന്നുകൾക്ക് നാക്കുളുക്കുന്ന പേര് നൽകിയതിൽ ശശി തരൂരിന് പങ്കുണ്ടോയെന്ന് തെലങ്കാന മന്ത്രി

കൊവിഡ് മരുന്നുകൾക്ക് കടിച്ചാൽ പൊട്ടാത്ത പേര് നൽകിയതിൽ ശശി തരൂരിന് എന്തെങ്കിലും പങ്കുണ്ടോ എന്ന സംശയവുമായി തെലങ്കാന മന്ത്രി കെ. താരക രാമ റാവു.

പൊസകൊനാസോള്‍, ക്രെസെംബ, ടോസിലുമാബ്, ഫ്ളാവിപിരാവിർ റെംഡിസിവിര്‍ തുടങ്ങിയ മരുന്നുകളുടെ പേരുകൾ ചൂണ്ടിക്കാണിച്ചാണ്‌ കെ. താരക രാമ റാവു തമാശ നിറഞ്ഞ തന്റെ ചോദ്യം ഉന്നയിച്ചത്. ആരാണ് ഈ മരുന്നുകൾക്ക് ഉച്ചരിക്കാൻ പ്രയാസമുള്ള പേരുകൾ നൽകിയതെന്നും ഇതിന് പിന്നിൽ ശശി തരൂരിന് പങ്കുള്ളതായി ഞാൻ സംശയിക്കുന്നുവെന്നുമാണ് കെ.ടി.ആർ. ട്വീറ്റ് ചെയ്തിരുന്നത്.

തനത് ശൈലിയിലുള്ള മറുപടിയുമായി ശശി തരൂർ ഉടൻ തന്നെ രംഗത്തെത്തി. ഇതിൽ ഞാൻ തെറ്റുക്കാരനല്ല, എങ്ങനെ നിങ്ങൾക്ക് ഇങ്ങനെയുള്ള ഫ്ളോക്സിനോസിനിഹിലിപിലിഫിക്കേഷനുകള്‍(ഒന്നുമല്ലാത്ത കാര്യങ്ങള്‍) ആസ്വദിക്കാൻ കഴിയുന്നു. കൊറോണിൽ, കൊറോസീറോ, ഗോ കൊറോണ ഗോ എന്നൊക്കെ ഞാൻ മരുന്നുകൾക്ക് പേരിടുകയുള്ളൂ. എന്നാൽ, ഫർമസിസ്റ്റുകൾ മികച്ച പ്രൊക്രൂസ്റ്റിയന്മാരാണ്(ഇരകളെ വലിച്ചുനീട്ടിയും മുറിച്ചുമാറ്റിയും പീഡിപ്പിക്കുന്ന കഥാപാത്രം) – എന്നതായിരുന്നു തരൂർ നൽകിയ മറുപടി.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top