സെർജിയോ അഗ്യൂറോ ബാഴ്‌സയുമായി കരാറൊപ്പിട്ടു; ഔദ്യോഗിക പ്രഖ്യാപനം കാത്ത് ആരാധകർ
അര്‍ജന്‍റീനന്‍ സൂപ്പര്‍ താരം സെര്‍ജിയോ അഗ്യൂറോ ബാഴ്സലോണയിലേക്ക് ചേക്കേറുമെന്ന് ഉറപ്പായി. താരവുമായി ബാഴ്സ 2 വർഷത്തെ കരാറിൽ ഒപ്പുവച്ചതായി ട്രാൻസ്ഫർ വിദഗ്ധൻ ഫബ്രിസിയോ റൊമാനോ അറിയിച്ചു.
മാഞ്ചസ്റ്റർ സിറ്റിക്ക് വേണ്ടി 10 വർഷം കളിച്ച ശേഷമാണ് അഗ്യൂറോ ബാഴ്സയിലെത്തുന്നത്. ചാമ്പ്യൻസ് ലീഗ് ഫൈനലിന് പിന്നാലെ ബാഴ്സലോണ ഔദ്യോഗികമായി ട്രാൻസ്ഫർ പ്രഖ്യാപിക്കും. അഗ്യൂറോ കൂടി എത്തുന്നതോടെ മെസി ക്ലബ് വിടാനുള്ള സാധ്യത കുറയുമെന്നാണ് വിലയിരുത്തൽ.
കഴിഞ്ഞ കുറേ മത്സരങ്ങളായി താരം സിറ്റിയ്ക്ക് വേണ്ടി കളിച്ചിരുന്നില്ല. പരിക്കും പുതിയ താരങ്ങളുടെ വരവും താരത്തിന് വിനയായി. 32 കാരനായ അഗ്യൂറോ ഈ സീസണില്‍ 14 മത്സരങ്ങളാണ് കളിച്ചത്. മൂന്നുതവണ ഗോള്‍ നേടുകയും ചെയ്തു.
അത്‌ലറ്റിക്കോ മഡ്രിഡില്‍ നിന്നാണ് അഗ്യൂറോ സിറ്റിയിലെത്തിയത്. സിറ്റിയ്ക്കായി 384 മത്സരങ്ങളില്‍ നിന്നും 257 ഗോളുകളാണ് താരം നേടിയത്. സിറ്റിയ്ക്കായി ഏറ്റവുമധികം ഗോളുകള്‍ നേടിയ താരം എന്ന റെക്കോർസും അഗ്യൂറോയുടെ പേരിലാണ്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
