പാലക്കാട് ഒരാൾക്ക് കൂടി ബ്ലാക്ക് ഫംഗസ് സ്ഥിരീകരിച്ചു

പാലക്കാട് സ്വദേശിയായ ഒരാള്‍ക്കുകൂടി ബ്ലാക്ക് ഫംഗസ് സ്ഥിരീകരിച്ചു. പോത്തുണ്ടി സ്വദേശിയായ അൻപത്തിമൂന്നുകാരനാണ് കൊവിഡ് നെഗറ്റീവ് ആയ ശേഷം ഇന്നലെ രോഗം സ്ഥിരീകരിച്ചത്. ഇയാൾ തൃശൂരിലെ സ്വകാര്യ ആശുപത്രിയില്‍ ചികിത്സയിലാണ്.

അതേസമയം, പാലക്കാട് സ്വദേശിയായ അമ്പതുകാരിക്കും മഞ്ചേരി മെഡിക്കല്‍ കോളജില്‍ കഴിയുന്ന 22 കാരനും നേരത്തെ ബ്ലാക്ക്ഫംഗസ് സ്ഥിരീകരിച്ചിരുന്നു. മങ്കര സ്വദേശിയായ അറുപത്തിയേഴുകാരനും രോഗബാധയുണ്ട്. ബ്ലാക്ക് ഫംഗസ് സംശയിച്ച് കോഴിക്കോട് മെഡിക്കല്‍ കോളജില്‍ ചികിത്സയിലായിരുന്ന പാലക്കാട് സ്വദേശി കഴിഞ്ഞ ദിവസം മരണപ്പെട്ടിരുന്നു.

Story Highlights: Black Fungus – Palakkad