16
Jun 2021
Wednesday

ലോക്ക്ഡൗൺ: റെയിൽപാളങ്ങളിൽ മരിച്ചത് 8700 ആളുകൾ

8700 died tracks lockdown

രാജ്യത്തെ ലോക്ക്ഡൗണിനിടെ റെയിൽപാളങ്ങളിൽ മരിച്ചുവീണത് 8700ലധികം ആളുകൾ. ഇവരിൽ അധികവും കുടിയേറ്റ തൊഴിലാളികളാണ്. 2020 ജനുവരി-ഡിസംബർ മാസങ്ങൾക്കിടെയുണ്ടായ മരണങ്ങളാണ് ഇത്. വിവരാവകാശ നിയമപ്രകാരം മധ്യപ്രദേശ് സ്വദേശിയായ ആക്ടിവിസ്റ്റ് ചന്ദ്രശേഖർ ഗൗറിൻ്റെ ചോദ്യത്തിന് റെയിൽവേ ബോർഡ് ആണ് വിവരം അറിയിച്ചത്.

‘പൊലീസിൽ നിന്ന് ലഭിച്ച വിവരങ്ങൾ അനുസരിച്ച് 2020 ജനുവരി മുതൽ ഡിസംബർ വരെ 805 ആളുകൾക്ക് പരുക്ക് പറ്റുകയും 8733 പേർ മരണപ്പെടുകയും ചെയ്തു.’- റെയിൽവേ ബോർഡ് മറുടിയിൽ വ്യക്തമാക്കി.

റോഡിനെക്കാൾ കുറഞ്ഞ ദൂരമായതുകൊണ്ട് തന്നെ കുടിയേറ്റ തൊഴിലാളികൾ വീടുകളിലേക്കുള്ള യാത്രക്കായി റെയിൽപാളങ്ങൾ തെരഞ്ഞെടുക്കുകയായിരുന്നു എന്ന് റെയിൽവേ ബോർഡ് അധികൃതരിൽ ഒരാൾ അറിയിച്ചു. റെയിൽപാളങ്ങൾക്ക് അരികിലൂടെയാണ് അവർ നടന്നത്. പൊലീസിൽ നിന്ന് രക്ഷ നേടാനും വഴി തെറ്റാതിരിക്കാനും അവർ റെയിൽപാളങ്ങൾ ഉപയോഗിച്ചു. ലോക്ക്ഡൗണിൽ ട്രെയിനുകളൊന്നും ഓടില്ലെന്നാണ് അവർ കരുതിയത്. അതുകൊണ്ട് തന്നെ മരണപ്പെട്ടവരിൽ അധികവും കുടിയേറ്റ തൊഴിലാളികളാണ് എന്നും അധികൃതർ വിശദീകരിച്ചു.

അതേസമയം, രാജ്യത്ത് പൂർണമായ അൺലോക്ക് ഡിസംബറോടെയെന്ന് ആരോഗ്യമന്ത്രാലയം അറിയിച്ചിരുന്നു. നിയന്ത്രണങ്ങൾ ഘട്ടംഘട്ടമായി മാത്രം പിൻവലിക്കും. വാക്സിൻ രണ്ട് ഡോസ് തന്നെ തുടരുമെന്നും, ഡിസംബറോടെ എല്ലാവർക്കും വാക്സിൻ നൽകാനാണ് ലക്ഷ്യമെന്നും ആരോഗ്യ മന്ത്രാലയം വ്യക്തമാക്കി.

Story Highlights: Over 8,700 people died on tracks in 2020 lockdown

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top