ലക്ഷദ്വീപിൽ ഭക്ഷ്യധാന്യ വിതരണം; കലക്ടർക്ക് നിർദേശം നൽകി ഹൈക്കോടതി

ലക്ഷദ്വീപിൽ ഭക്ഷ്യധാന്യ വിതരണം ഉറപ്പുവരുത്താൻ കലക്ടർക്ക് നിർദേശം നൽകി ഹൈക്കോടതി. ദ്വീപിൽ അരിക്കു പുറമേ എന്തെല്ലാം ഭക്ഷ്യധാന്യങ്ങളാണ് വിതരണം ചെയ്യുന്നതെന്ന് രേഖമൂലം അറിയിക്കണമെന്നാണ് നിർദേശം.

കൊവിഡ് കേസുകൾ വർധിക്കുന്ന സാഹചര്യത്തിൽ ലക്ഷദ്വീപിൽ ലോക്ക്ഡൗൺ പ്രഖ്യാപിച്ചിരുന്നു. എന്നാൽ ദ്വീപിൽ ഭക്ഷ്യക്ഷാമം ഇല്ലെന്ന് അഡ്മിനിസ്ട്രേറ്റർ കോടതിയെ അറിയിച്ചു. കേന്ദ്രസർക്കാരിന്റെ പിഎംകെജിവൈ പ്രകാരം അരി വിതരണം ചെയ്യുന്നുണ്ടെന്നും കോടതിയെ അറിയിച്ചു.

ദ്വീപിലെ നിവാസികൾ ഭക്ഷ്യക്ഷാമം നേരിടുന്നുണ്ടെന്ന് കാണിച്ച് അമിനി ദ്വീപ് സ്വദേശി കെ കെ നിഹാസ് നൽകിയ ഹർജിയിലാണ് നടപടി. ഹർജി ചൊവ്വാഴ്ച വീണ്ടും പരിഗണിക്കുന്നിതിനായി മാറ്റിവെച്ചു.