മൂന്ന് മാസത്തിന് ശേഷം ഇതാദ്യം; ധാരാവിയിൽ പുതിയ കൊവിഡ് കേസുകൾ റിപ്പോർട്ട് ചെയ്തില്ല

മൂന്ന് മാസത്തിനിടെ ഇതാദ്യമായാണ് മുംബൈയിലെ ചേരിയായ ധാരാവിയിൽ ഒരു കേസ് പോലും റിപ്പോർട്ട് ചെയ്യാതെ കടന്ന് പോകുന്നത്.

ധാരാവിയിൽ മൊത്തത്തിൽ 6861 പേർക്കാണ് രോഗം ബാധിച്ചിരുന്നത്. ഇപ്പോൾ നിലവിൽ 13 പേര് മാത്രമാണ് കൊവിഡ് ബാധിച്ച് ചികിത്സയിലുള്ളത്. ഇതിൽ 7 പേര് ആശുപത്രിയിലും 6 പേർ വീട്ടിലുമാണ് ചികിത്സയിലുള്ളത്.

കഴിഞ്ഞ വർഷം ഏപ്രിൽ ഒന്നിനാണ് ഇവിടെ ആദ്യത്തെ കേസ് റിപ്പോർട്ട് ചെയ്യുന്നത്. രണ്ടര ചതുരശ്ര കിലോമീറ്ററിൽ വ്യാപിച്ചുകിടക്കുന്ന ധാരാവിയിൽ 6.5 ലക്ഷത്തോളം ആളുകൾ താമസിക്കുന്നു.