01
Aug 2021
Sunday

ലോക്ക്ഡൗൺ നിയന്ത്രണങ്ങൾ പിൻവലിച്ച് തെലങ്കാന

Telangana Removes Covid Lockdown

ലോക്ക്ഡൗൺ നിയന്ത്രണങ്ങൾ പൂർണമായി പിൻവലിച്ച് തെലങ്കാന. സംസ്ഥാനത്തെ കൊവിഡ് ബാധയിൽ കുറവുണ്ടായതോടെയാണ് സംസ്ഥാന സർക്കാർ ലോക്ക്ഡൗൺ നിയന്ത്രണങ്ങൾ പൂർണ്ണമായി പിൻവലിച്ചത്. മുഖ്യമന്ത്രി ചന്ദ്രശേഖർ റാവു തൻ്റെ ഫേസ്ബുക്ക് പേജിലൂടെയാണ് വിവരം പങ്കുവച്ചത്.

“ലോക്ക്ഡൗൺ നിയന്ത്രണങ്ങൾ പൂർണമായി പിൻവലിക്കാൻ സംസ്ഥാനം തീരുമാനിച്ചിരിക്കുന്നു. സംസ്ഥാനത്തെ കൊവിഡ് സാഹചര്യത്തെപ്പറ്റി ആരോഗ്യവകുപ്പ് അറിയിച്ചതിൻ്റെ അടിസ്ഥാനത്തിലാണ് തീരുമാനം എടുത്തത്. ആരോഗ്യവകുപ്പ് നൽകിയ റിപ്പോർട്ട് അനുസരിച്ച് സംസ്ഥാനത്തെ കൊവിഡ് ബാധയിൽ ഗണ്യമായ കുറവുണ്ടാവുന്നുണ്ട്. കൊവിഡ് ബാധ പൂർണമായും നിയന്ത്രണവിധേയമായിരിക്കുന്നു.”- മുഖ്യമന്ത്രി കുറിച്ചു.

അതേസമയം, രാജ്യത്ത് പുതുതായി 60,753 പേർക്ക് രോഗം സ്ഥിരീകരിച്ചു. 1647 പേർ മരിച്ചു. 97,743 പേരാണ് 24 മണിക്കൂറിൽ രോഗമുക്തി നേടിയത്. ഇതോടെ ആകെ ആക്ടീവ് കേസുകൾ 7.6 ലക്ഷത്തിലേക്ക് താഴ്ന്നു. ആകെ മരണസംഖ്യ 3.85 ലക്ഷമായി. ഇന്ത്യയിൽ കേരളത്തിൽ മാത്രമാണ് ഇന്നലെ പ്രതിദിന കൊവിഡ് രോഗികളുടെ എണ്ണം പതിനായിരം കടന്നത്. കേരളത്തിൽ ഇന്നലെ 11,361 പേർക്കാണ് കൊവിഡ് സ്ഥിരീകരിച്ചത്.

Story Highlights: Telangana Removes Covid Lockdown

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top