23
Jul 2021
Friday

പരീക്ഷകൾ ഓഫ് ലൈൻ ആയി നടത്തരുതെന്ന് കെ എസ് യു

പരീക്ഷകൾ ഓഫ് ലൈൻ ആയി നടത്താൻ ഉള്ള സർക്കാർ തീരുമാനത്തിനെതിരെ കെ എസ് യു. കുട്ടികൾക്കും അധ്യാപകർക്കും വാക്സിനേഷേൻ നൽകാതെ പരീക്ഷ നേരിട്ട് നടത്തരുതെന്നും കെ എസ് യു സംസ്ഥാന പ്രസിഡന്റ് കെ എം അഭിജിത്ത് ആവശ്യപ്പെട്ടു.

പരീക്ഷ മൂല്യനിർണ്ണയത്തിന് പുതിയ രീതി കണ്ടെത്തണം. സംസ്ഥാനത്ത് ഡിജിറ്റൽ സൗകര്യം പ്രയോജനപെടുത്താൻ കഴിയാത്ത കുട്ടികൾ ധാരാളമാണ്. ഇവർക്ക് പഠനോപകരണങ്ങൾ നൽകാൻ സർക്കാർ തയ്യാറാകണമെന്നും അദ്ദേഹം പറഞ്ഞു.

സര്‍വകലാശാല പരീക്ഷകള്‍ മാറ്റിവയ്ക്കണമെന്ന് കഴിഞ്ഞദിവസം കെപിസിസി അധ്യക്ഷന്‍ കെ സുധാകരന്‍ എംപി സര്‍ക്കാരിനും ഗവര്‍ണര്‍ക്കും കത്ത് നല്‍കിയിരുന്നു. വിദ്യാര്‍ത്ഥികള്‍ക്ക് ഒരു ഡോസ് വാക്‌സിന്‍ പോലും നല്‍കിയിട്ടില്ലെന്നും ഇത് സര്‍ക്കാരിന്റെ വീഴ്ചയാണെന്നും സുധാകരന്‍ ആരോപിച്ചിരുന്നു.

സംസ്ഥാനത്ത് കോളജുകള്‍ തുറക്കാനുള്ള നടപടികളുടെ ഭാഗമായി 18നും 24നും ഇടയില്‍ പ്രായമായവര്‍ക്ക് പ്രത്യേക കാറ്റഗറിയില്‍ ഉള്‍പ്പെടുത്തി വാക്‌സിന്‍ നല്‍കുമെന്ന് മുഖ്യമന്ത്രി പിണറായി വിജയന്‍ വ്യക്തമാക്കിയിരുന്നു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top