താത്ക്കാലിക ജീവനക്കാരുടെ സ്ഥിരപ്പെടുത്തൽ; ചീഫ് സെക്രട്ടറിയുടെ ഹർജിയിൽ സുപ്രിംകോടതിയുടെ നോട്ടിസ്

സർക്കാർ സർവീസിൽ താത്ക്കാലിക ജീവനക്കാരുടെ സ്ഥിരപ്പെടുത്തൽ വിലക്കിയ ഹൈക്കോടതി നടപടിക്കെതിരെ ചീഫ് സെക്രട്ടറി സമർപ്പിച്ച ഹർജിയിൽ നടപടിയുമായി സുപ്രിംകോടതി. പൂഞ്ഞാർ എഞ്ചിനീയറിംഗ് കോളേജിലെ താത്ക്കാലിക ജീവനക്കാരായ ജോയ് ജോസഫ്, ടോം തോമസ്, ഐഎച്ച്ആർഡി എന്നിവർക്ക് നോട്ടിസ് അയക്കാൻ സുപ്രിംകോടതി ഉത്തരവിട്ടു.

ജസ്റ്റിസ് ഇന്ദിര ബാനർജി അധ്യക്ഷയായ ബെഞ്ചിന്റേതാണ് നടപടി. ആറാഴ്ചയ്ക്കകം എതിർകക്ഷികൾ മറുപടി നൽകണം. ഹൈക്കോടതി ഉത്തരവ് നടപ്പാക്കുന്നതിൽ പ്രായോഗിക ബുദ്ധിമുട്ടുണ്ടെന്നും, സർക്കാർ വകുപ്പുകൾക്കും കോർപറേഷനുകൾക്കും അടക്കം ഒരേ ഉത്തരവ് നടപ്പാക്കാൻ കഴിയില്ലെന്നുമാണ് ചീഫ് സെക്രട്ടറിയുടെ വാദം.

Story Highlights: Supreme court of india, temporary employees