02
Aug 2021
Monday

കോപ്പ അമേരിക്ക: അർജന്റീനയ്ക്ക് എതിരാളികളായി ഇക്വഡോർ

copa america argentina ecuador

കോപ്പ അമേരിക്ക ക്വാർട്ടർ ഫൈനലിൽ അർജൻ്റീന നാളെ ഇറങ്ങും. ഇക്വഡോർ ആണ് എതിരാളികൾ. ഇന്ത്യൻ സമയം പുലർച്ചെ 6.30നാണ് മത്സരം. ബൊളീവിയയെ ഒന്നിനെതിരെ 4 ഗോളുകൾക്ക് തകർത്ത് അവസാന നാലിൽ എത്തിയ അർജൻ്റീന മികച്ച ഫോമിലാണ്. ടൂർണമെൻ്റിൽ ഇതുവരെ ഒരു ജയം പോലും നേടാൻ കഴിയാത്ത ടീം ആണ് ഇക്വഡോർ. അതുകൊണ്ട് തന്നെ അർജൻ്റീന മത്സരം അനായാസം വിജയിക്കാനാണ് സാധ്യത.

മികച്ച ഫോമിലുള്ള സൂപ്പർ താരം ലയണൽ മെസിയിൽ തന്നെയാണ് അർജൻ്റീനയുടെ പ്രതീക്ഷകൾ. പപ്പു ഗോമസ്, സെർജിയോ അഗ്യൂറോ തുടങ്ങിയ താരങ്ങളും ഫോമിലാണ്. തുടക്കത്തിൽ താളം കണ്ടെത്താൻ വിഷമിച്ച അർജൻ്റീന ടൂർണമെൻ്റ് പുരോഗമിക്കും തോറും കരുത്തരായി മാറുന്നത് ആരാധകർക്ക് പ്രതീക്ഷയാണ്.

നാളെ നടക്കുന്ന മറ്റൊരു മത്സരത്തിൽ ഉറുഗ്വേ കൊളംബിയയെ നേരിടും. ഇന്ത്യൻ സമയം പുലർച്ചെ 3.30നാണ് മത്സരം. ഈ മത്സര വിജയികളെ അർജൻ്റീന-ഇക്വഡോർ മത്സര വിജയികൾ സെമിഫൈനലിൽ നേരിടും.

Story Highlights: copa america argentina vs ecuador

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top