ഉടുമ്പൻചോലയിലെ അനധികൃത മരംമുറിക്കൽ : അന്വേഷണം മരവിപ്പിച്ചതായി ആരോപണം

ഉടുമ്പഞ്ചോല ചിത്തിരപുരം റോഡ് നിർമാണത്തിന്റെ മറവിലെ മരം മുറിക്കേസിൽ അന്വേഷണം മരവിപ്പിച്ചതായി ആരോപണം.

കേസെടുത്ത് ഒരു മാസം പിന്നിട്ടിട്ടും മരം മുറിച്ച കരാറുകാരനെ ഇതുവരെ ചോദ്യം ചെയ്യാനായില്ലെന്നാണ് ആരോപണം. മരം കടത്തിയ ഡ്രൈവറെയും പിടികൂടിയിട്ടില്ല.

രാഷ്ട്രീയ സമ്മർദ്ദത്തിന് വഴങ്ങി വനംവകുപ്പ് കരാറുകാരാനെ സംരക്ഷിക്കുന്നുവെന്നാണ് ആരോപണം. എന്നാൽ കരാറുകാരൻ ആശുപത്രിയിലാണെന്നാണ് വനം വകുപ്പിന്റെ വിശദീകരണം. ഡ്രൈവർക്കായുള്ള അന്വേഷണം പുരോഗമിക്കുകയാണെന്നും വനം വകുപ്പ് പറയുന്നു.

പൊതുമരാമത്തിനെയും കരാറുകാരനെയും പ്രതിച്ചേർത്തായിരുന്നു വനം വകുപ്പ് കേസ് എടുത്തിരുന്നത്.

Story Highlights: udumbanchola wood robbery