‘സമാനതകളില്ലാത്ത അഭിനയ പ്രതിഭ’; ദിലീപ് കുമാറിന്റെ വിയോഗത്തില്‍ അനുശോചനവുമായി നരേന്ദ്ര മോദി
അന്തരിച്ച നടന്‍ ദിലീപ് കുമാര്‍ സമാനതകളില്ലാത്ത അഭിനയ പ്രതിഭയായിരുന്നെന്ന് പ്രധാനമന്ത്രി നരേന്ദ്ര മോദി അനുശോചിച്ചു. ചലച്ചിത്ര ഇതിഹാസമായി അദ്ദേഹം എക്കാലവും ഓര്‍മിക്കപ്പെടും -നരേന്ദ്ര മോദി ട്വീറ്റ് ചെയ്തു.ഇന്ന് രാവിലെയോടെയാണ് ബോളിവുഡ് ഇതിഹാസ താരമായ ദിലീപ് കുമാര്‍ (98) വിടപറഞ്ഞത്.
അഭിനയ മികവിലൂടെ തലമുറകളായുള്ള പ്രേക്ഷകരെ അദ്ദേഹം ആരാധകരാക്കി മാറ്റി. സാംസ്‌കാരിക ലോകത്തിന് കനത്ത നഷ്ടമാണ് ദിലീപ് കുമാറിന്റെ വിയോഗം. കുടുംബാംഗങ്ങളേയും സുഹൃത്തുക്കളേയും ആരാധകരേയും അനുശോചനമറിയിക്കുന്നതായും മോദി പറഞ്ഞു.
മുംബൈയിലെ ഹിന്ദുജ ആശുപത്രിയിലായിരുന്നു അന്ത്യം. കഴിഞ്ഞ ബുധനാഴ്ച ശ്വാസതടസ്സത്തെ തുടര്‍ന്നാണ് ആശുപത്രിയില്‍ പ്രവേശിപ്പിച്ചിരുന്നത്.
കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.
Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank
