​ഗായകൻ യോ യോ ഹണി സിം​ഗിനെതിരെ ​ഗാർഹിക പീഡന പരാതി; 20 കോടി നഷ്ടപരിഹാരം നൽകണമെന്ന് ഭാര്യ

പ്രശസ്ത ​ഗായകൻ യോ യോ ഹണി സിം​ഗിനെതിരെ ​ഗാർഹിക പീഡന പരാതി. ഭാര്യ ശാലിനി തൽവാർ നൽകിയ പരാതിയിൽ പൊലീസ് കേസെടുത്തു. പരാതിയുടെ പശ്ചാത്തലത്തിൽ ഡൽഹി ഹസാരി കോടതി ഹണി സിം​ഗിനെതിരെ നോട്ടിസ് അയച്ചു. ഓ​ഗസ്റ്റ് 28ന് കേസിൽ വാദം കേൾക്കും.

ഭാര്യ ഷാലിനി തൽവാറിനെ ഹണി സിം​ഗ് മാനസികമായും ശാരീരികമായും ലൈം​ഗികമായും സാമ്പത്തികമായും പീഡിപ്പിക്കുന്നുവെന്ന് കേസിൽ പറയുന്നു.

Read Also: മേതിൽ ദേവികയുമായുള്ള വിവാഹ മോചനം; എം മുകേഷിനെതിരെ ഗാർഹിക പീഡനത്തിന് കേസ് എടുക്കണമെന്ന് ബിന്ദു കൃഷ്ണ

20 കോടി രൂപ നഷ്ടപരിഹാരമായി നൽകണമെന്ന് ശാലിനി സമർപ്പിച്ച ഹർജിയിൽ ആവശ്യപ്പെടുന്നുണ്ട്.

സെക്ഷൻ 18 പിഡ്ബ്ല്യുഡിവി ആക്ട് 2005 പ്രകാരം സുരക്ഷ നൽകണമെന്നും ശാലിനി തൽവാർ ആവശ്യപ്പെട്ടു.

Story Highlights: case against yo yo honey singh