എം.എസ്.എഫ്. ഹരിത നേതാക്കളുടെ പരാതി; ഉടൻ തീരുമാനം ഉണ്ടാകുമെന്ന് പി.കെ. കുഞ്ഞാലിക്കുട്ടി

എം.എസ്.എഫ്. ഹരിത നേതാക്കളുടെ പരാതിയിൽ ഉടൻ തീരുമാനമുണ്ടാകുമെന്ന് പി.കെ. കുഞ്ഞാലിക്കുട്ടി. ഇക്കാര്യത്തിൽ വിശദമായ ചർച്ച നടത്തിയ ശേഷം തീരുമാനം പ്രഖ്യാപിക്കും. എം.എസ്.എഫ്. ഹരിത നേതാക്കളുടെ പരാതിയിന്മേൽ ലീഗ് നേതൃത്വം നടത്തിയ ചർച്ചയ്ക്ക് ശേഷമായിരുന്നു പി.കെ. കുഞ്ഞാലിക്കുട്ടിയുടെ പ്രതികരണം.

സംസ്ഥാന ജനറൽ സെക്രട്ടറി പി.എം.എ. സലാം, ഇ.ടി. മുഹമ്മദ് ബഷീർ, എം.കെ. മുനീർ എം.എൽ.എ. എന്നിവരും ചർച്ചയിൽ പങ്കെടുത്തു.

Read Also : ഹരിത സംഘടനാ നേതാക്കൾക്കെതിരെ മുസ്ലിം ലീഗ് ജനറൽ സെക്രട്ടറി

എംഎസ്എഫ് സംസ്ഥാന പ്രസിഡൻ്റിനെതിരെ വനിതാ കമ്മീഷനിൽ വിദ്യാർത്ഥിനി വിഭാഗമായ ഹരിത ഭാരവാഹികളാണ് പരാതി നൽകിയത്. സ്ത്രീത്വത്തെ അപമാനിച്ചു എന്നാണ് പരാതിയിൽ പറഞ്ഞിരിക്കുന്നത്. എംഎസ്എഫ് മലപ്പുറം ജില്ലാ ജനറൽ സെക്രട്ടറിക്കെതിരെയും പരാതിയുണ്ട്.

മോശം പദപ്രയോഗങ്ങൾ നടത്തിയതിനെതിരെ നപടി വേണമെന്ന് പരാതിയിൽ ഹരിത ഭാരവാഹികൾ ആവശ്യപ്പെടുന്നു. എംഎസ്എഫ് സംസ്ഥാന പ്രസിഡന്റ് പികെ നവാസ് മലപ്പുറം ജില്ലാ ജനറൽ സെക്രട്ടറി അബ്‌ദുൽ വഹാബ് എന്നിവർക്കെതിരെയാണ് പരാതി.

Story Highlight: PK Kunjalikutty on MSF issue