നെല്ലിയാമ്പതിയില്‍ വെള്ളച്ചാട്ടത്തില്‍ വീണ യുവാവ് മരിച്ചു
നെല്ലിയാമ്പതിയില്‍ വെള്ളച്ചാട്ടത്തില്‍ വീണ യുവാവ് മരിച്ചു. എറണാകുളം പുത്തന്‍കുരിശ് സ്വദേശി ജയ്രാജ് എന്ന ജോമോന്‍ ആണ് മരിച്ചത്. കുണ്ടറച്ചോല വെള്ളച്ചാട്ടത്തിലാണ് അപകടം നടന്നത്.
കഴിഞ്ഞ ദിവസം നെല്ലിയാമ്പതിയില്‍ പോയി താമസിച്ച് മടങ്ങിയ കൊച്ചിയില്‍ നിന്നുള്ള മൂന്നംഗ സംഘത്തിലെ ഒരാളാണ് മരിച്ചത്. ഉച്ചയോടെ കുണ്ടറച്ചോല മരപ്പാലത്തെ
വെള്ളച്ചാട്ടത്തിനടുത്ത് കാര്‍ നിര്‍ത്തി ദൃശ്യം പകര്‍ത്തുകയായിരുന്നു. ഇതിനിടെ ജോമോന്‍ വെള്ളച്ചാട്ടത്തിലെ പാറയില്‍ കയറാന്‍ ശ്രമിക്കുന്നതിനിടെ വഴുതി വീഴുകയായിരുന്നു.
വെള്ളച്ചാട്ടത്തിന്റെ അര കിലോമീറ്റര്‍ താഴെ നിന്നാണ് മൃതദേഹം കിട്ടിയത്. പൊലീസും വനം വകുപ്പും ഫയര്‍ഫോഴ്‌സ് ഉദ്യോഗസ്ഥരും നാട്ടുകാരും ചേര്‍ന്നാണ് തെരച്ചില്‍ നടത്തിയത്.
പാലക്കാട് ജില്ലാ ആശുപത്രിയിലെത്തിച്ച മൃതേദേഹം പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കും.
Story Highlight: man drowned waterfall found dead
കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.
Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank
