കോട്ടയം കാഞ്ഞിരപ്പള്ളി ഹൈറേഞ്ച് ഹോസ്പിറ്റൽ ക്യാൻ്റിനിൽ കൂട്ടതല്ല്; ദൃശ്യങ്ങൾ പുറത്ത്

കോട്ടയം കാഞ്ഞിരപ്പള്ളി ഹൈറേഞ്ച് ഹോസ്പിറ്റൽ ക്യാൻ്റിനിൽ കൂട്ടതല്ല്. ഭക്ഷണത്തിന്റെ നിലവാരത്തെ ചൊല്ലിയായിരുന്നു സംഘർഷം .

ഇന്നലെ രാത്രിയായിരുന്നു സംഭവം. ക്യാന്റീനിന് തൊട്ടടുത്ത് താമസിക്കുന്നവർ ഇന്നലെ ഭക്ഷണം കഴിക്കാനെത്തിയിരുന്നു. ഭക്ഷണത്തിന്റെ ​ഗുണനിലവാരത്തെ ചൊല്ലി ക്യാന്റീൻ നടത്തിപ്പുകാരും ഭക്ഷണം കഴിക്കാനെത്തിയവരും തമ്മിൽ സംഘർഷം ഉണ്ടായി. കൂട്ടത്തല്ലിന്റെ സിസിടിവി ദൃശ്യങ്ങൾ ട്വന്റിഫോറിന് ലഭിച്ചു.

ഇരുവിഭാ​ഗവും ഇപ്പോൾ ആശുപത്രിയിൽ ചികിത്സയിലാണ്. സംഭവവുമായി ബന്ധപ്പെട്ട് ആശുപത്രി അധികൃതർ പൊലീസിൽ പരാതി നൽകിയിട്ടുണ്ട്.

Story Highlight: hospital canteen conflict