26
Oct 2021
Tuesday
Covid Updates

    ഫ്‌ളാറ്റില്‍ നിന്ന് വീണ് വിദ്യാര്‍ത്ഥിനി മരിച്ചു

    student death

    തിരുവനന്തപുരത്ത് ഫ്‌ളാറ്റില്‍ നിന്ന് വീണ് വിദ്യാര്‍ത്ഥിനി മരിച്ചു. കവടിയാറിലെ ഫ്‌ളാറ്റിലാണ് അപകടമുണ്ടായത്. പൊതുമരാമത്ത് സെക്രട്ടറി ആനന്ദ് സിംഗിന്റെ മകള്‍ ഭവ്യ സിംഗ് (16) ആണ് മരിച്ചത്.

    കവടിയാറിലെ നികുഞ്ജം ഫോര്‍ച്യൂണ്‍ എന്ന ഫ്‌ളാറ്റിന്റെ ഏഴാം നിലയില്‍ നിന്ന് വീണാണ് അപകടമുണ്ടായത്. ഉച്ചയ്ക്ക് ഒന്നേമുക്കാലോടെയായിരുന്നു അപകടം. അപകട സമയത്ത് ആനന്ദ് സിംഗും കുടുംബവും ഫ്‌ളാറ്റിലുണ്ടായിരുന്നു. ഉടന്‍ തന്നെ എസ് കെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

    ആശുപത്രിയിലേക്ക് കൊണ്ടുപോകും വഴി മരിക്കുകയായിരുന്നു. മുഖ്യമന്ത്രി, സംസ്ഥാന ചീഫ് സെക്രട്ടറി എന്നിവരടക്കം കുടുംബാംഗങ്ങളെ സന്ദര്‍ശിച്ചു. നിലവില്‍ എസ്‌കെ ആശുപത്രിയിലുള്ള മൃതദേഹം മറ്റ് നടപടികള്‍ക്കായി തിരുവനന്തപുരം മെഡിക്കല്‍ കോളജിലേക്ക് മാറ്റും. കഴിഞ്ഞ മൂന്നുവര്‍ഷമായി ആനന്ദ് സിംഗും കുടുംബവും കവടിയാറിലാണ് താമസം. കേന്ദ്രീയ വിദ്യാലയം വിദ്യാര്‍ത്ഥിനിയാണ് ഭവ്യ സിംഗ്.

    Story Highlights : student death

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top