27
Oct 2021
Wednesday
Covid Updates

    ഡോക്ടർമാരെ കളക്ടറേറ്റിൽ ബന്ദിയാക്കിയെന്ന് ആരോപണം

    കൊവിഡ് ജാ​ഗ്രത പോർട്ടലിൻ്റെ അവലോകന യോഗം എന്ന പേരിൽ തിരുവനന്തപുരം ജില്ലയിലെ സർക്കാർ ഡോക്ടേഴ്സിനെ കളക്ടറേറ്റിൽ വിളിച്ചു വരുത്തി ബന്ദിയാക്കിയെന്ന് ആരോപണം. ഒരു കൊവിഡ് പൊസിറ്റീവിന് ഓഫീസർമാർ 10  കോൺക്ടാക്റ്റ്സ് അപ്പ്ഡേറ്റ് ചെയ്യണമെന്നാവശ്യപ്പെട്ട്  ബന്ദിയാക്കിയെന്നാണ് പരാതി.

    തൻ്റെ അനുവാദമില്ലാതെ മീറ്റിംഗിനെത്തിയ ഉദ്യോഗസ്ഥർ പോകരുതെന്ന ഡിസ്ട്രിക് ഡെവലപ്മെന്റ് കമ്മീഷണർ ഡോ. വിനയ് ​ഗോയലിൻ്റെ വാട്ട്സാപ്പ് സന്ദേശം 24 ന് ലഭിച്ചു. ആശാസ്ത്രീയമായ ഡാറ്റാ എൻട്രി നടത്താൻ വിനയ് ഗോയൽ ഭീഷണിപ്പെടുത്തിയെന്നും മെഡിക്കൽ ഓഫിസർമാർ ആരോപിച്ചു. 

    ജില്ലയിലെ വിവിധ ആശുപത്രികളിലെ സൂപ്രണ്ടുമാരും, ഡെപ്യൂട്ടി സൂപ്രണ്ട്മാരും, സർജന്മാരുമാണ് കളക്ടറേറ്റിലെ യോഗത്തിനെത്തി കുടുങ്ങിയത്. വിനയ് ഗോയലിൻ്റെ നടപടി പ്രതിഷേധാർഹമെന്നും വിഷയത്തെ ഗൗരവമായി കാണുന്നുവെന്നും കെ ജി എം ഒ എ. 

    വിനയ് ​ഗോയലിനെ കൊവിഡ് ജാഗ്രതയുടെ ഉത്തരവാദിത്തത്തിൽ നിന്നും മാറ്റണമെന്ന് കെ ജി എം ഒ എ ആവശ്യപ്പെട്ടു.വനിതാ ഡോക്ടേഴ്സിന് ഉൾപ്പെടെ നേരിട്ട മാനസിക പീഡനത്തിൽ അമർഷം രേഖപ്പെടുത്തിയ സംഘടന മേലിൽ ഇത്തരം പ്രവണതകൾ ഉണ്ടാകരുതെന്നും ആവശ്യപ്പെട്ടു.

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top