പോത്തൻകോട്ടെ അച്ഛനും മകൾക്കും നേരെ ഉണ്ടായ ഗുണ്ടാ ആക്രമണം നിർഭാ​ഗ്യകരം, പൊലീസ് ഇടപെടലിന് നിർദേശം നൽകിയിരുന്നു; മന്ത്രി ജി ആർ അനിൽ

തിരുവനന്തപുരം പോത്തൻകോട്ടെ അച്ഛനും മകൾക്കും നേരെ ഉണ്ടായ ഗുണ്ടാ ആക്രമണം നിർഭാ​ഗ്യകരമെന്ന് മന്ത്രി ജി ആർ അനിൽ. പൊലീസ് ഇടപെടലിന് അപ്പോൾ തന്നെ നിർദേശം നൽകിയിരുന്നു. പൊലീസ് കൂടുതൽ ജാഗ്രതയോടെ നീങ്ങണമെന്ന് മന്ത്രി ജി ആർ അനിൽ പ്രതികരിച്ചു.

പോത്തൻകോട് പൊലീസ് ഇത്തരം സംഭവങ്ങൾ ഗൗരവമായി കൈകാര്യം ചെയ്യണം. ഇത്തരം സംഭവങ്ങൾ ആവർത്തിക്കാതിരിക്കാൻ പൊലിസ് നടപടിയെടുക്കണമെന്നും മന്ത്രി പറഞ്ഞു. പൊലീസിന് മേൽ രാഷ്ട്രീയ നിയന്ത്രണത്തിനും മേൽനോട്ടത്തിനും കുറവില്ല.

Read Also : വിവാഹവേദിയിലെ സ്റ്റീരിയോടൈപ്പുകളെ പൊളിച്ചടുക്കി; കൈയ്യടി നേടി നിയതി…

രാഷ്ട്രീയ കൊലപാതകങ്ങൾ സംബന്ധിച്ച് പൊലീസിന് വീഴ്ച ഉണ്ടായെന്ന ആരോപണത്തിൽ കഴമ്പില്ല. ഇത്തരം ആക്ഷേപങ്ങൾ ഇത്തരം സംഭവങ്ങൾ ഉണ്ടാകുമ്പോൾ പതിവാണ്. പൊലീസ് ജാഗ്രതയോടെ നീങ്ങിയില്ലെങ്കിൽ, പിന്നീട് എന്തെന്ന് അപ്പോൾ പറയാം. വിഷയം ലഘുവായി കാണുന്നില്ല, ​ഗൗരവത്തോടെ തന്നെ കാണുന്നെന്നും മന്ത്രി പറഞ്ഞു.

പോത്തൻകോട് അച്ഛനെയും മകളെയും ആക്രമിച്ച സംഭവത്തിൽ പ്രതികൾ ഒളിവിലാണെന്നാണ് പൊലീസ് പറയുന്നത്. ഫോണുകൾ ഓഫ് ചെയ്ത നിലയിലാണ്. പ്രതികൾക്കായി തിരച്ചിൽ തുടരുന്നതായും പൊലീസ് പറഞ്ഞു.

Story Highlights : pothencode-goonda-attack-unfortunate-says-minister-gr-anil