‘ഡിഗാമ തമ്പുരാന്റെ താക്കോൽ സൂക്ഷിപ്പുകാരൻ’; ബറോസ് പ്രമോ ടീസർ പുറത്ത്
മോഹൻലാൽ ആദ്യമായി സംവിധാനം ചെയ്യുന്ന ബറോസ് എന്ന സിനിമയുടെ പ്രമോ ടീസർ പുറത്ത്. മോഹൻലാലിൻ്റെ ക്യാരക്ടർ ടീസറാണ് പുറത്തുവന്നത്. സംവിധായകനായ മോഹൻലാൽ ആക്ഷൻ പറയുമ്പോൾ നടനായ മോഹൻലാൻ ബറോസ് ആയി എത്തുകയാണ്. ടീസർ ആരാധകർ ഏറ്റെടുത്തുകഴിഞ്ഞു.
ഇന്ത്യയിലെ ആദ്യ ത്രിമാന ചിത്രം മി ഡിയർ കുട്ടിച്ചാത്തൻ ഒരുക്കിയ ജിജോ പുന്നൂസ് ആണ് ബറോസിൻ്റെ തിരക്കഥ. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ചിത്രം നിർമിക്കുന്നു. സന്തോഷ് ശിവനാണ് ക്യാമറ. 16കാരനായ ലിഡിയൻ നാദസ്വരം ചിത്രത്തിൻ്റെ സംഗീതം നിർവഹിക്കും. ശ്രീകർ പ്രസാദ് ആണ് എഡിറ്റ്. മോഹൻലാലിനൊപ്പം പൃഥ്വിരാജ് സുകുമാരൻ, ഗുരു സോമസുന്ദരം തുടങ്ങിയ താരങ്ങൾ ചിത്രത്തിൽ വേഷമിടും. ത്രിഡിയിൽ ഒരുങ്ങുന്ന ചിത്രമാണ് ബറോസ്.
Story Highlights : Barroz promo teaser released
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here