ഗോവ തെരെഞ്ഞടുപ്പ് 2022; മതത്തിന്റെയും ജാതിയുടെയും പേരിലുള്ള രാഷ്ട്രീയത്തിൽ ബിജെപി വിശ്വസിക്കുന്നില്ല: ജെപി നദ്ദ

പ്രധാനമന്ത്രി നരേന്ദ്ര മോദിയുടെ സഹായത്തോടെ അന്തരിച്ച മുൻ മുഖ്യമന്ത്രി മനോഹർ പരീക്കറുടെ സുവർണ്ണ ഗോവ എന്ന സ്വപ്നം പൂർത്തീകരിക്കാൻ ബിജെപി അധികാരത്തിലെത്തേണ്ടതുണ്ടെന്ന് ബിജെപി ദേശീയ അധ്യക്ഷൻ ജെ പി നദ്ദ. നവേലിമിൽ ബിജെപി പൊതുയോഗത്തെ അഭിസംബോധന ചെയ്ത് സംസാരിക്കുകയായിരുന്നു ജെപി നദ്ദ. “ബിജെപി എന്നാൽ വികസനം, വികസനം എന്നാൽ ബിജെപി, മറ്റ് പാർട്ടികൾക്ക് വികസനം ഒരു മുദ്രാവാക്യം മാത്രമാണ്.

ബിജെപിക്ക് ഒരു നേതാവുണ്ട്, അവവർക്കൊരു നയമുണ്ട്, വിനയമുണ്ട്, പുതിയത് സൃഷ്ടിക്കാനുള്ള ശക്തിയുണ്ട്. മറുകക്ഷിക്ക് അതില്ല, അതുകൊണ്ടാണ് കേന്ദ്രത്തിലും ഗോവയിലും ബിജെപി അധികാരത്തിൽ എത്തിയതും. ബിജെപി വികസനത്തിന് വേണ്ടി പ്രവർത്തിക്കുന്നുവെന്ന് പറഞ്ഞാണ് പ്രധാനമന്ത്രി നരേന്ദ്ര മോദി രാജ്യത്തെ ശാക്തീകരിച്ചത്.

Read Also : ആര്‍ടിപിസിആറിന് 300 രൂപ, ആന്റിജന് 100 രൂപ; കൊവിഡ് പരിശോധന നിരക്ക് കുറച്ചു

സംസ്ഥാനത്തെ എല്ലാ സമുദായങ്ങളുടെയും ജീവിത നിലവാരം ബിജെപി ഉയർത്തിയിട്ടുണ്ടെന്നും അദ്ദേഹം പറഞ്ഞു. ബിജെപി ജാതിയുടെയും മതത്തിന്റെയും രാഷ്ട്രീയത്തിൽ വിശ്വസിക്കുന്നില്ലെന്നും കോൺഗ്രസ് ന്യൂനപക്ഷങ്ങളെ വോട്ടിന് വേണ്ടി ഉപയോഗിച്ചെന്നും മറുവശത്ത് ബിജെപി ന്യൂനപക്ഷങ്ങളുടെയും പാവപ്പെട്ടവരുടെയും വിവിധ പദ്ധതികളുടെ ആനുകൂല്യം നൽകി അവരുടെ ജീവിതനിലവാരം ഉയർത്തിയെന്നും അദ്ദേഹം പറഞ്ഞു.

തൊഴിലില്ലായ്മ നിരക്ക് കൂടുതലുള്ള ഗോവയെ മറ്റൊരു പശ്ചിമ ബംഗാളിയാക്കാൻ ഞങ്ങൾ ആഗ്രഹിക്കുന്നില്ലെന്നും ഉല്ലാസ് തുങ്കറിന് വോട്ട് ചെയ്യണമെന്നും മറ്റ് പാർട്ടികൾ പ്രചരിപ്പിക്കുന്ന കിംവദന്തികളിൽ വീഴരുതെന്നും ജെപി നദ്ദ നവലിമിലെ ജനങ്ങളോട് അഭ്യർത്ഥിച്ചു. “നവേലിമിലെ ഓരോ വ്യക്തിയും പരമാവധി വോട്ട് രേഖപ്പെടുത്തുകയും ബിജെപി സ്ഥാനാർത്ഥി ഉല്ലാസ് തുക്കറിനെ തിരഞ്ഞെടുക്കാൻ ശ്രമിക്കുകയും വേണം,” അദ്ദേഹം പറഞ്ഞു.

കേന്ദ്രമന്ത്രി ജി കിഷൻ റെഡ്ഡി, ബിജെപി സംസ്ഥാന അധ്യക്ഷൻ സദാനന്ദ് തനവാഡെ, ബിജെപി സംസ്ഥാന ജനറൽ സെക്രട്ടറിയും മുൻ എംപിയുമായ നരേന്ദ്ര സവൈക്കർ, ബിജെപി സ്ഥാനാർത്ഥി ഉല്ലാസ് തുയേക്കർ, ബിജെപി വക്താവ് ഉർഫാൻ മുല്ല, ബിജെപി മുസ്ലീം നേതാവ് ഷെയ്ഖ് ജിന്ന, ദക്ഷിണ ഗോവ ബിജെപി ഭാരവാഹി സത്യവിജയ് നായിക് തുടങ്ങിയവർ യോഗത്തിൽ പങ്കെടുത്തു.

Story Highlights: bjp-has-never-politicized-caste-religion-jp-nadda