രാജ്യത്ത് കൊവിഡ് കേസുകള്‍ കുറയുന്നു; 22,270 പേര്‍ക്ക് കൂടി രോഗബാധ

രാജ്യത്ത് പ്രതിദിന കൊവിഡ് കേസുകള്‍ കുറയുന്നു. കഴിഞ്ഞ 24 മണിക്കൂറിനിടെ രാജ്യത്ത് 22,270 പേര്‍ക്കാണ് കൊവിഡ് സ്ഥിരീകരിച്ചത്. പ്രതിദിന കേസുകള്‍ കഴിഞ്ഞ ദിവസത്തേക്കാള്‍ 14 ശതമാനം കുറഞ്ഞതായി കേന്ദ്ര ആരോഗ്യമന്ത്രാലയം വ്യക്തമാക്കി. 98 ശതമാനമാണ് രാജ്യത്തെ ആകെ രോഗമുക്തി നിരക്ക്.

325 പേരുടെ മരണം കൂടി കൊവിഡ് മൂലമെന്ന് സ്ഥിരീകരിച്ചതോടെ ആകെ മരണ നിരക്ക് 5,11,230 ആയി. നിലവില്‍ ചികിത്സയിലുള്ളവരുടെ എണ്ണം 2.53 ലക്ഷമായതോടെ രോഗമുക്തി നിരക്ക് 98.21 ശതമാനമായി ഉയര്‍ന്നു. 24 മണിക്കൂറിനിടെ 60,298 പേരാണ് കൊവിഡില്‍ നിന്നും മുക്തരായത്. 4,19,77,238 ആണ് ഇതുവരെ രോഗമുക്തരായവരുടെ എണ്ണം. രാജ്യത്താകെ കൊവിഡ് വാക്‌സിന്‍ സ്വീകരിച്ചവരുടെ എണ്ണം 175.03 കോടിയായതായും ആരോഗ്യ മന്ത്രാലയം അറിയിച്ചു.

Read Also : പഞ്ചാബ്‌ പിസിസി അധ്യക്ഷന്‍ നവ്‌ജ്യോത് സിംഗ് സിദ്ദുവിനെതിരെ മാനനഷ്ടക്കേസ്

കേരളത്തില്‍ ഇന്നലെ 7780 പേര്‍ക്കാണ് കൊവിഡ് സ്ഥിരീകരിച്ചത്. എറണാകുളം 1403, തിരുവനന്തപുരം 858, കോഴിക്കോട് 746, തൃശൂര്‍ 692, കോട്ടയം 661, കൊല്ലം 604, ആലപ്പുഴ 486, മലപ്പുറം 444, ഇടുക്കി 434, പത്തനംതിട്ട 386, പാലക്കാട് 363, വയനാട് 324, കണ്ണൂര്‍ 282, കാസര്‍ഗോഡ് 97 എന്നിങ്ങനേയാണ് ജില്ലകളിലെ രോഗബാധ. 24 മണിക്കൂറിനിടെ 63,192 സാമ്പിളുകളാണ് പരിശോധിച്ചത്.

Story Highlights: covid cases india