Advertisement

തെരഞ്ഞെടുപ്പ് വാഗ്ദാനങ്ങളെല്ലാം പഞ്ചാബിൽ പാലിക്കുമെന്ന് അരവിന്ദ് കെജ്‌രിവാൾ

March 13, 2022
1 minute Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

പഞ്ചാബിലെ ജനങ്ങൾക്ക് നൽകിയ എല്ലാ വാഗ്ദാനങ്ങളും പാലിക്കുമെന്ന് ഡൽഹി മുഖ്യമന്ത്രിയും ആം ആദ്മി പാർട്ടി (എഎപി) ദേശീയ കൺവീനറുമായ അരവിന്ദ് കെജ്‌രിവാൾ. പഞ്ചാബിലെ പാർട്ടിയുടെ ഉജ്ജ്വല വിജയം വിപ്ലവമാണ്. പഞ്ചാബികൾ വിപ്ലവം കൊണ്ടുവരുമെന്ന് ലോകത്തിന് അറിയാമായിരുന്നു എന്നും അമൃത്സറിലെ റോഡ്ഷോയിൽ അദ്ദേഹം പറഞ്ഞു.

ആദ്യമായി പഞ്ചാബിന് സത്യസന്ധനായ ഒരു മുഖ്യമന്ത്രിയെ ലഭിച്ചതിൽ സന്തുഷ്ടനാണ്. ഇനി സർക്കാർ പണം മുഴുവൻ പഞ്ചാബിലെ ജനങ്ങൾക്കായി ചെലവഴിക്കുമെന്നും അദ്ദേഹം കൂട്ടിച്ചേർത്തു. “എന്റെ ഇളയ സഹോദരൻ ഭഗവന്ത് മാൻ ‘കട്ടർ ഇമന്ദാർ’ (സത്യസന്ധനായ മനുഷ്യൻ) ആണ്. മന്ത്രിമാരോ എംഎൽഎയോ അഴിമതി നടത്തിയാൽ അവരെയും ജയിലിലേക്ക് അയയ്ക്കും. പഞ്ചാബിലെ കൊള്ള നിർത്തും. പഞ്ചാബിലെ ജനങ്ങൾക്കായി സർക്കാർ പണം ചെലവഴിക്കും” കെജ്‌രിവാൾ വ്യക്തമാക്കി.

“ഞങ്ങളുടെ എല്ലാ വാഗ്ദാനങ്ങളും ഞങ്ങൾ നിറവേറ്റും, ചിലത് സമയമെടുക്കും, ചിലത് ഉടനടി നടപ്പിലാക്കും” കെജ്‌രിവാൾ പറഞ്ഞു. ഖത്കർ കലാനിൽ നടക്കുന്ന സത്യപ്രതിജ്ഞാ ചടങ്ങിൽ നിയുക്ത മുഖ്യമന്ത്രി ഭഗവന്ത് മന്നിനൊപ്പം ചേരാൻ എഎപി ദേശീയ കൺവീനർ ജനങ്ങളോട് ആവശ്യപ്പെട്ടു. “മാർച്ച് 16 ന് ഭഗവന്ത് മുഖ്യമന്ത്രിയായി സത്യപ്രതിജ്ഞ ചെയ്യും, ഭഗവന്ത് മാത്രമല്ല, ഓരോ പഞ്ചാബിയും മുഖ്യമന്ത്രിയാകും. എല്ലാവരും ഖത്കർ കാലനിൽ വന്ന് അദ്ദേഹത്തോടൊപ്പം സത്യപ്രതിജ്ഞ ചെയ്യണം. ഇനി പഞ്ചാബിൽ വികസനം മാത്രമേ ഉണ്ടാകൂ” കെജ്‌രിവാൾ കൂട്ടിച്ചേർത്തു.

ആം ആദ്മി പാർട്ടിയെ വൻ ഭൂരിപക്ഷത്തിൽ വിശ്വസിച്ചതിന് സംസ്ഥാനത്തെ ജനങ്ങൾക്ക് നന്ദി പറയുന്നതിനാണ് നിയുക്ത പഞ്ചാബ് മുഖ്യമന്ത്രി ഭഗവന്ത് മന്നിനൊപ്പം കെജ്‌രിവാളും ഞായറാഴ്ച അമൃത്‌സറിൽ റോഡ്‌ഷോ നടത്തിയത്.

Story Highlights: arvind-kejriwal-assures-all-poll-promises-will-be-fulfilled

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement