യു.എ.ഇയിൽ അഡ്​നോക്​ ​പ്രോ ലീഗ് മത്സരത്തിനിടെ അടിപിടി; മൂന്ന്​ താരങ്ങൾക്ക് സസ്​പെൻഷനും പിഴയും

യു.എ.ഇയിൽ അഡ്​നോക്​ ​പ്രോ ലീഗ് മത്സരത്തിനിടെ ഗ്രൗണ്ടിലുണ്ടായ അടിപിടിയുമായി ബന്ധപ്പെട്ട്​ മൂന്ന്​ താരങ്ങളെ സസ്​പെൻഡ് ചെയ്തു. അബുദാബിയിൽ നടന്ന മത്സരത്തിലാണ്​ അൽ വ​ദ്​ഹയും അൽഐനും തമ്മിൽ അടിപിടിയുണ്ടായത്​. അൽഐൻ, അൽ വ​ദ്​ഹ ടീമുകളുടെ ഇനിയുള്ള നാല്​ മത്സരങ്ങൾ അടച്ചിട്ട വേദിയിൽ നടത്താനും യു.എ.ഇ ഫുട്​ബോൾ അസോസിയേഷൻ നിർദേശം നൽകി. അൽഐനി​ലെ ഒരാളെയും അൽ വദ്​ഹ ടീമിലെ രണ്ട്​ പേരെയുമാണ് സസ്പെൻഡ് ചെയ്തത്.

എതിർതാരത്തെ ആക്രമിച്ചതിന്റെ പേരിൽ അൽ വദ്​ഹ താരം ഇസ്മായിൽ മത്താറിന്​ രണ്ട്​ മത്സരത്തിൽ നിന്ന്​ വിലക്കും 40 ലക്ഷം രൂപ പിഴയും വിധിച്ചു. എതിർതാരത്തെ കൈയേറ്റം ചെയ്തതിന് ഇതേ ടീമിലെ ഖമീൽ ഇസ്മയിലിനെ രണ്ട്​ കളിയിൽ നിന്ന്​ വിലക്കി. 90,000 ദിർഹം പിഴയും ചുമത്തി.

Read Also : ലൂണയുടെ മാജിക്കിൽ ആദ്യ ഗോൾ നേടി ‘മഞ്ഞപ്പട’; ബ്ലാസ്‌റ്റേഴ്‌സ് മുന്നില്‍ (1-0)

അൽഐൻ താരം എറിക്​ ജുർഗൻസിനെ മൂന്ന്​ കളിയിൽ നിന്ന്​ വിലക്കിയത്​ സുരക്ഷ ഉദ്യോഗസ്ഥനെ ആക്രമിച്ചതിനാണ്​. ഇദ്ദേഹത്തിന് ഒന്നര ലക്ഷം ദിർഹം പിഴയുമിട്ടു. സ്​പോർട്​സ്​മാൻ സ്പിരിറ്റിന്​ വിരുദ്ധമായ പ്രവൃത്തിയിൽ ഏർപെട്ടതിന്​ അൽഐൻ താരങ്ങളായ സുഫിയാൻ റാഹിമി, ഖാലിദ്​ ഇസ്സ, നാസർ അൽ ഷുഖൈലി എന്നിവർക്ക്​ 25,000 ദിർഹം പിഴയും താക്കീതും നൽകി. അൽഐൻ ഫിറ്റ്​നസ്​ കോച്ചിനെ ബഹളത്തിൽ ഏർപ്പെട്ടതിന്റെ പേരിൽ നാല്​ മത്സരങ്ങളിൽ നിന്ന്​ വിലക്കുകയും 75,000 ദിർഹം പിഴ ഈടാക്കുകയും ചെയ്തു.

അടിപിടിയുമായി ബന്ധപ്പെട്ട വീഡിയോ ​സാമൂഹിക മാധ്യമങ്ങളിൽ പ്രചരിച്ചിരുന്നു. കാണികൾ ഗ്രൗണ്ടിലിറങ്ങി ബഹളമുണ്ടാക്കുന്നതും പൊലീസ്​ ഇടപെടുന്നതുമെല്ലാം വീഡിയോയിൽ വ്യക്​തമാണ്​. കാണികളുടെ ഇത്തരത്തിലുള്ള മോശം പെരുമാറ്റത്തെ തുടർന്നാണ്​ അടച്ചിട്ട വേദികളിൽ മത്സരം നടത്താൻ നിർദേശം നൽകിയത്​.

Story Highlights: Beating during a football match; Suspension for three players