സന്തോഷത്തില്‍ സ്ഥാനം 136, വെറുപ്പിന്റെ പട്ടികയില്‍ ഇന്ത്യ ഒന്നാമതാകും; രാഹുല്‍ ഗാന്ധി

ഇന്ത്യ വൈകാതെ വെറുപ്പിന്റെയും വിദ്വേഷത്തിന്റെയും പട്ടികയില്‍ ഒന്നാമതെത്തിയേക്കുമെന്ന് കോണ്‍ഗ്രസ് നേതാവ് രാഹുല്‍ ഗാന്ധി. ഐക്യരാഷ്ട്ര സഭയുടെ പിന്തുണയോടെ തയാറാക്കിയ ലോകത്തെ ഏറ്റവും സന്തോഷമുള്ള രാജ്യങ്ങളുടെ പട്ടിക ട്വീറ്റ് ചെയ്തുകൊണ്ടാണ് രാഹുൽ ഗാന്ധിയുടെ വിമര്‍ശനം. ഈ പട്ടികയില്‍ 136-ാം സ്ഥാനത്താണ് ഇന്ത്യ.

സന്തോഷ സൂചികയ്ക്ക് പുറമേ ആഗോളതലത്തില്‍ പട്ടിണി, സ്വാതന്ത്ര്യം എന്നീ സൂചികകളിലെ ഇന്ത്യയുടെ സ്ഥാനം കൂടി ചൂണ്ടിക്കാണിച്ചുകൊണ്ടാണ് കേന്ദ്ര സര്‍ക്കാരിനെതിരെ രാഹുൽ പരോക്ഷ വിമര്‍ശനം ഉന്നയിച്ചത്.

‘പട്ടിണിയുടെ പട്ടികയില്‍ 101-ാം റാങ്ക്, സ്വാതന്ത്ര്യത്തിന്റെ പട്ടികയില്‍ 119-ാം സ്ഥാനം, സന്തോഷത്തിന്റെ പട്ടികയില്‍ 136-ാം റാങ്ക്. പക്ഷേ വെറുപ്പിന്റെയും വിദ്വേഷത്തിന്റെയും പട്ടികയില്‍ ഇന്ത്യ വൈകാതെ ഒന്നാമതെത്തിയേക്കുമെന്ന് ‘- രാഹുല്‍ ട്വീറ്റ് ചെയ്തു.

Hunger Rank: 101
Freedom Rank: 119
Happiness Rank: 136

But, we may soon top the Hate and Anger charts! pic.twitter.com/pJxB4p8DEt

— Rahul Gandhi (@RahulGandhi) March 19, 2022

അതേസമയം തുടര്‍ച്ചയായ അഞ്ചാം വര്‍ഷവും ലോകത്തെ ഏറ്റവും സന്തോഷമുള്ള രാജ്യം ഫിന്‍ലന്‍ഡ് തന്നെയാണ്. ഡെന്‍മാര്‍ക്കാണ് രണ്ടാം സ്ഥാനത്ത്. ഐസ്‌ലന്‍ഡ്, സ്വിറ്റ്‌സര്‍ലന്‍ഡ്, നെതര്‍ലന്‍ഡ് എന്നീ രാജ്യങ്ങളാണ് മൂന്ന്, നാല്, അഞ്ച് സ്ഥാനങ്ങളിലുള്ളത്. ആകെ 146 രാജ്യങ്ങളുള്ള പട്ടികയില്‍ ഇന്ത്യ 136-ാം സ്ഥാനത്താണ്. അഫ്ഗാനിസ്താനാണ് പട്ടികയില്‍ ഏറ്റവും അവസാന സ്ഥാനം.

Story Highlights: India may soon top ‘hate and anger charts’: Rahul Gandhi